Qyzylorda oblysynda jetim balalardyń úı alý kezegi zańsyz buzylǵan

Qarmaqshy aýdanynyń prokýratýrasy jetim jáne ata-anasynyń qamqorlyǵynsyz qalǵan balalardy turǵyn úımen qamtý máselesi boıynsha tekseris júrgizdi, dep habarlaıdy Qandastar.kz saıty turkystan.kz-ke silteme jasap.

Qoldanystaǵy zańnamaǵa sáıkes, atalǵan sanattaǵy balalar turǵyn úı alýǵa birinshi kezekte quqyly.

Sondaı-aq memlekettik turǵyn úı qorynan beriletin úılerdiń jalpy sanynyń keminde 20 paıyzy atalǵan sanattaǵy balalarǵa berilýi tıis.

Bul rette jergilikti atqarýshy organdar olardyń memlekettik turǵyn úı qorynan turǵyn úı alý múmkindigin buzǵan.

Tek prokýrorlyq qadaǵalaý aktisinen keıin ǵana olardyń quqyqtary qalpyna keltirilip, zańsyz turǵyn úı kezeginen shyǵyp qalǵan azamatsha qaıta kezekke qoıyldy jáne kezektegi 3 jetim bala kópten kútken baspanasyna qol jetkizdi.