QYZYLORDADA 150 OTBASY BASPANALY BOLDY

60 jáne 90 páterli kópqabatty úılerge múmkindigi shekteýli azamattar, tolyq emes otbasylar men jetim jáne ata-ana qamqorlyǵynsyz qalǵan balalar qonystanady,

Búgin erekshe qýanyshqa kenelgenderdiń biri – Roza Ákimtaeva. Jalǵyzbasty ana 17 jyldan beri páter kezeginde turyp, baspana taýqymetin tartyp kelgen.  Roza Ákimtaeva, qala turǵyny: – Allaǵa shúkir, orazanyń sońǵy kúnderinde baspanaly bolyp jatyrmyn.

Osy baspanada ósip-ónip, kógerip-kókteýge násip etsin. Barlyq kisilerge osyndaı meniń qýanyshym juǵysty bolsyn. Tolyq emes otbasy bolyp tirkelgenmin. Qýanyp turmyn, árıne, bundaıǵa jetken de, jetpegen de bar. 17 jyldan beri úıge jetý degen úlken qýanyshta turmyn. Halyqtyń az qamtylǵan tobyna baspana berý, qamqorlyq kórsetý – elimizdiń áleýmettik-ekonomıkalyq damý baǵdarynyń negizgi basymdyǵy. О́ńirde bul baǵytta tyndyrymdy tirlik atqarylyp jatqanyn saralaǵan oblys ákimi  bıyl taǵy 67 turǵyn úı qurylysy júrgiziletinin jetkizdi. Nurlybek Nálibaev, oblys ákimi: – О́tken jyly óńirde 4170 páterdi quraıtyn kópqabatty úıler salynyp, el ıgiligine berildi. Bıyldyń ózinde jaqynda ǵana 252 otbasy jańa baspanaǵa ıe boldy. Bıyl da 3 myńǵa jýyq páter salynatyn bolady. Oǵan kezekte turǵan azamattar ıe bolady. Biz ony jyl barysynda taǵy ulǵaıtatyn bolamyz.

Jaqyn kúnderi «Syr jastary» jeńildetilgen ıpotekalyq nesıe baǵdarlamasymen taǵy da 60 shaqty jas otbasyǵa baspana kilti tabystalady. Oblys ortalyǵynan bólek aǵymdaǵy jyly aýdandarda 700 páterlik úıler salynady.