قىزىلوردادا 16 جاسار ءبىر قىزدى زورلاعاندار سانى مىڭنان اسادى (ۆيدەو)

قىزىلوردادا سىنىپتاستارى جەزوكشەلىكپەن اينالىسۋعا ماجبۇرلەگەن 16 جاستاعى قىزعا قاتىستى جاڭا دەرەكتەر پايدا بولدى, دەپ حابارلايدى Kyn.kz ءتىلشىسى Skifnews.kz اقپارات پورتالىنا سىلتەمە جاساپ.

وقيعانىڭ ەگجەي-تەگجەيى تۋرالى «نەمولچيKZ» قورىنىڭ باسشىسى دينا ءتاڭسارى جەلى ارقىلى مالىمدەدى.

“جارتى جىل بويى 16 جاسار قىزدى وزىمەن قاتارلاس ءبىر توپ بالالار جەزوكشەلىكپەن اينالىسۋعا ماجبۇرلەگەن. ۇرعان, سوققان, قورقىتقان. ەڭ قىزىعى, اقشا ەڭ سوڭىندا ماجبۇرلەۋشى توپتىڭ ىشىندەگى ءبىر قىزدىڭ اناسىنىڭ سچەتىنا اۋدارىلىپ وتىرعان. 10 ميلليوننان استام تەڭگە اۋدارىلعان. ول اقشانىڭ قايدان كەلىپ جاتقانىن سۇرامايدى ەمەس سۇرايدى عوي. سوندىقتان بۇل جەردە ۇلكەن ادامداردىڭ نۇسقاۋى بار”, – دەدى “نەمولچيKZ” قورىنىڭ جەتەكشىسى دينا ءتاڭسارى.

«بۇل سۇمدىق تۋرالى بىلمەدىك. بۇل سىنىپتاسى ءبىزدىڭ ۇيدەن 500 مەتر جەردە تۇرادى. ولار جاقسى ارالاسىپ ءجۇردى. سودان كەيىن قۇربىسى جانە باسقا دا سىنىپتاستارى قىزىمىزدى ولاردىڭ ۇيىنە جىبەرۋىمىزدى ءجيى سۇراپ كەلە باستادى. باسىندا قارسى بولدىق, بىراق ءبارى جاقسى بولادى دەپ سەندىرگەن سوڭ رۇقسات بەرىپ جۇردىك. قاڭتار ايىندا ولار قىزنىڭ تەلەفونىن الىپ, ونى جەزوكشەلەرگە ارنالعان سايتقا تىركەپ, ماس جانە جالاڭاش كۇيىندە كيىم اۋىستىرىپ جاتقانىن ۆيدەوعا ءتۇسىرىپ الىپ, بوپسالاعان. العاشىندا قىزىم ولاردان قورىققان. اقپان ايىندا قىزىم ۇيگە كەلىپ, مەكتەپكە بارىپ ءجۇردى. بىراق سودان كەيىن قىلمىسكەرلەردىڭ تالابى كۇشەيىپ, قىزىم كۇندىز دە, كەشكە دە شىعا باستادى. ەكى كۇن بويى ءۇزىلىسسىز جەزوكشەلىكپەن اينالىسۋعا ءماجبۇر بولعان كۇندەرى دە بولىپتى. ەگەر ول اقشانى اۋدارۋدى بەس مينۋتقا كەشىكتىرسە, ونى ۇرىپ-سوعادى ەكەن», – دەيدى جابىرلەنۋشىنىڭ اناسى.

پوليتسيا قىزعا كەلگەن ەر ادامداردىڭ بارلىق اقشا اۋدارىمدارىن انىقتادى. ولاردىڭ سانى 1000-نان اسادى. كۇدىكتىلەر اي سايىن جابىرلەنۋشىنى پايدانالىپ 3 ميلليون تەڭگەگە جۋىق تابىس تاۋىپ وتىرعان.

«نەمولچيKZ” قورىنىڭ جەتەكشىسى جابىرلەنۋشىنىڭ وتباسىنا قاۋىپ ءتونىپ تۇرعانىن ايتتى.

ء«بىز جاعدايدى دۇرىس باعالاماي وتىرمىز, قىلمىستىق ىسكە 4 كۇدىكتىنىڭ, ولاردىڭ اتا-انالارى جانە مىڭعا جۋىق كليەنتتىڭ قاتىسى بار. كليەنتتەردى كۇدىكتىلەردىڭ ءبىرىنىڭ پاتەرىندە جەزوكشەلەرگە ارنالعان سايت ارقىلى قابىلداعان. سونداي-اق قىزدى تاپسىرىسپەن ساۋنالارعا دا اپارعان», – دەدى قۇقىق قورعاۋشى.

ونىڭ ايتۋىنشا, كۇدىكتىلەردىڭ تۋىستارى قىزدىڭ اتا-اناسىن ۋلى گازبەن ۋلاندىرامىز دەپ قورقىتقان.

«قازىر ولاردىڭ ءۇيىنىڭ جانىندا ۇنەمى پوليتسيا قىزمەتكەرى تۇرادى. الايدا ول جابىرلەنۋشىنىڭ قاۋىپسىزدىگىنە عانا جاۋاپتى. ال اناسىن بۇكىل قالا بىلەدى, ول ءوز ءومىرى ءۇشىن قورقادى», – دەدى دينا ءتاڭسارى.

«نەمولچيKZ» قورىنىڭ نەگىزىن قالاۋشى دينا ءتاڭسارى قىزدى زورلاعان العاشقى «كليەنتتىڭ» ۇلتتىق قاۋىپسىزدىك كوميتەتىنىڭ قىزمەتكەرى ەكەنىن دە اتاپ ءوتتى.

پوليتسيا دەپارتامەنتىنىڭ مالىمەتىنشە, قىلمىسقا قاتىسى بار مەكتەپ وقۋشىلارىنىڭ اتا-انالارىنا قاتىستى قىلمىستىق ءىس قوزعالىپ, ال كامەلەتكە تولماعان كۇدىكتىلەرگە «ۇيقاماق» تۇرىندەگى بۇلتارتپاۋ شاراسى قولدانىلعان. تەرگەۋ جالعاسۋدا.