Qyzylordada 16 jasar bir qyzdy zorlaǵandar sany myńnan asady (VIDEO)

Qyzylordada synyptastary jezókshelikpen aınalysýǵa májbúrlegen 16 jastaǵy qyzǵa qatysty jańa derekter paıda boldy, dep habarlaıdy Kyn.kz tilshisi Skifnews.kz aqparat portalyna silteme jasap.

Oqıǵanyń egjeı-tegjeıi týraly «NeMolchıKZ» qorynyń basshysy Dına Tańsári jeli arqyly málimdedi.

“Jarty jyl boıy 16 jasar qyzdy ózimen qatarlas bir top balalar jezókshelikpen aınalysýǵa májbúrlegen. Urǵan, soqqan, qorqytqan. Eń qyzyǵy, aqsha eń sońynda májbúrleýshi toptyń ishindegi bir qyzdyń anasynyń schetyna aýdarylyp otyrǵan. 10 mıllıonnan astam teńge aýdarylǵan. Ol aqshanyń qaıdan kelip jatqanyn suramaıdy emes suraıdy ǵoı. Sondyqtan bul jerde úlken adamdardyń nusqaýy bar”, – dedi “NemolchıKZ” qorynyń jetekshisi Dına Tańsári.

«Bul sumdyq týraly bilmedik. Bul synyptasy bizdiń úıden 500 metr jerde turady. Olar jaqsy aralasyp júrdi. Sodan keıin qurbysy jáne basqa da synyptastary qyzymyzdy olardyń úıine jiberýimizdi jıi surap kele bastady. Basynda qarsy boldyq, biraq bári jaqsy bolady dep sendirgen soń ruqsat berip júrdik. Qańtar aıynda olar qyznyń telefonyn alyp, ony jezókshelerge arnalǵan saıtqa tirkep, mas jáne jalańash kúıinde kıim aýystyryp jatqanyn vıdeoǵa túsirip alyp, bopsalaǵan. Alǵashynda qyzym olardan qoryqqan. Aqpan aıynda qyzym úıge kelip, mektepke baryp júrdi. Biraq sodan keıin qylmyskerlerdiń talaby kúsheıip, qyzym kúndiz de, keshke de shyǵa bastady. Eki kún boıy úzilissiz jezókshelikpen aınalysýǵa májbúr bolǵan kúnderi de bolypty. Eger ol aqshany aýdarýdy bes mınýtqa keshiktirse, ony uryp-soǵady eken», – deıdi jábirlenýshiniń anasy.

Polıııa qyzǵa kelgen er adamdardyń barlyq aqsha aýdarymdaryn anyqtady. Olardyń sany 1000-nan asady. Kúdiktiler aı saıyn jábirlenýshini paıdanalyp 3 mıllıon teńgege jýyq tabys taýyp otyrǵan.

«NeMolchıKZ” qorynyń jetekshisi jábirlenýshiniń otbasyna qaýip tónip turǵanyn aıtty.

«Biz jaǵdaıdy durys baǵalamaı otyrmyz, qylmystyq iske 4 kúdiktiniń, olardyń ata-analary jáne myńǵa jýyq klıenttiń qatysy bar. Klıentterdi kúdiktilerdiń biriniń páterinde jezókshelerge arnalǵan saıt arqyly qabyldaǵan. Sondaı-aq qyzdy tapsyryspen saýnalarǵa da aparǵan», – dedi quqyq qorǵaýshy.

Onyń aıtýynsha, kúdiktilerdiń týystary qyzdyń ata-anasyn ýly gazben ýlandyramyz dep qorqytqan.

«Qazir olardyń úıiniń janynda únemi polıııa qyzmetkeri turady. Alaıda ol jábirlenýshiniń qaýipsizdigine ǵana jaýapty. Al anasyn búkil qala biledi, ol óz ómiri úshin qorqady», – dedi Dına Tańsári.

«NeMolchıKZ» qorynyń negizin qalaýshy Dına Tańsári qyzdy zorlaǵan alǵashqy «klıenttiń» ulttyq qaýipsizdik komıtetiniń qyzmetkeri ekenin de atap ótti.

Polıııa departamentiniń málimetinshe, qylmysqa qatysy bar mektep oqýshylarynyń ata-analaryna qatysty qylmystyq is qozǵalyp, al kámeletke tolmaǵan kúdiktilerge «úıqamaq» túrindegi bultartpaý sharasy qoldanylǵan. Tergeý jalǵasýda.