Qyzylordada 16 jastaǵy synyptasyn józekshelikpen aınalysýǵa májbúrlegen úsh kúdikti qamaýǵa alyndy

Foto: ashyq derekkóz

Qyzylordada 16 jastaǵy oqýshyny quldyqta ustaǵan synyptastary ustalyp, qamaýǵa alyndy. Bul týraly qandastar.kz Stan.kz aqparat agenttigine silteme jasap habarlaıdy.

Oblystyq sottyń málimetinshe, qylmystyq kodekstiń 134-baby 3-bóligi 1-tarmaǵy boıynsha kámeletke tolmaǵan kúdiktiler Q, A jáne M-ge qatysty «kúzetpen ustaý» túrindegi bultartpaý sharasyn sankııalaý týraly tergeýshiniń ótinishhaty Qyzylorda qalasynyń mamandandyrylǵan tergeý sotyna tústi. Sot tergeýshiniń ótinishhatyn qanaǵattandyrmaı, kámeletke tolmaǵan kúdiktilerge 2 aı merzimge «úı qamaq» túrindegi bultartpaý sharasyn taǵaıyndady. Qylmystyq proesstiń kodekstiń 147-baby 2- bóligi 1,5 tarmaqtary boıynsha olarǵa shekteýler qoldanyldy.

Qyzylorda oblystyq sotynyń qylmystyq ister jónindegi sot alqasy sot aktilerine jábirlenýshiniń ókilinen kelip túsken shaǵymdardy qarap, kúdiktilerdiń jasaǵan áreketteriniń aýyrlyq dárejesin, kúdiktilerdi sot isin júrgizýge kedergi jasaıdy nemese tergeýden jáne sottan jasyrynady dep paıymdaýǵa jetkilikti negizder baryn eskerip, shaǵymdy qanaǵattandyrdy.

“Tergeý sotynyń qaýlylaryn ózgertip, kúdiktilerge 2 aı merzimge «kúzetpen ustaý» túrindegi bultartpaý sharasyn qoldaný týraly qaýly shyǵardy”, – dep málimdedi Qyzylorda oblysy sotynyń baspasóz qyzmeti.

Eske salsaq, buǵan deıin Qyzylordada 16 jastaǵy qyzdy synyptastary jezókshelikpen aınalysýǵa májbúrledi degen kúdikke ilingeni týraly jazǵan edik. Jábirlenýshiniń anasy barlyǵy qyzy 10 synypta synyptas qurbysymen jaqyn aralasa bastaǵan kezde bastalǵanyn aıtady.