جاڭالىقتار
قىزىلوردادا 23 ءجاسوسپىرىم ۋاقىتشا ۇستاۋ يزولياتورىنا قامالعان
فوتو: اشىق دەرەككوز
قىزىلوردا وبلىسىندا بيىل جاسوسپىرىمدەر اراسىنداعى قىلمىس سانى ۇلعايعان. بۇل تۋرالى قىزىلوردا وپد جپقب باستىعى ە.جاۋكەەۆ حابارلادى, – دەپ جازادى qandastar.kz
«2022 جىلى وبلىستا 8 ءجاسوسپىرىم (قىزىلوردا قالاسى – 5, قازالى اۋدانى – 3), 2023 جىلى 13 ءجاسوسپىرىم (قىزىلوردا قالاسى – 10, قازالى اۋدانى – 3), 2024 جىلى 9 اي قورىنىدىسىمەن 23 ءجاسوسپىرىم (قىزىلوردا قالاسى – 18, شيەلى اۋدانى – 5) ۋاقىتشا ۇستاۋ يزولياتورىنا ءتۇرلى قىلمىستىق قۇقىقبۇزۋشىلىق جاساعانى ءۇشىن قاماۋعا الىنعان», – دەدى ول.
ايماقتا توپتىق توبەلەس تە تىيىلماي تۇر. جىل باسىنان بەرى 5 دەرەك تىركەلگەن. ال كامەلەتكە تولماعان بالالاردىڭ قاتىسۋىمەن ورىن العان جول كولىك وقيعاسىنىڭ دا سانى باسىم.
«وبلىسىمىزدا 2022 جىلدىق قورىتىندىسىمەن بارلىعى 7 توپتىق توبەلەس تىركەلسە, ءاربىر توبەلەستە 1-2 بالا ءتۇرلى دەنە جاراقاتىن العان. 2023 جىلى مۇنداي دەرەكتىڭ 9-ى تىركەلدى, 2024 جىلدىق 9 ايىنىڭ قورىتىندىسىمەن 5 دەرەك تىركەلدى.
2022 جىلدىڭ قورىتىندىسىمەن كامەلەتكە تولماعانداردىق قاتىسۋىمەن 110 جول كولىك وقيعاسى بولسا, ودان 136 بالا زارداپ شەكككەن. 2023 جىلى بالالاردىڭ قاتىسۋىمەن 180 جول كولىك وقيعاسى بولسا, 202 بالا زارداپ شەكتى. ال, 2024 جىلدىق 9 ايىندا جاسوسپىرىمدەردىڭ قاتىسۋىمەن 165 جول كولىك وقيعاسى بولىپ, وندا 188 بالا زارداپ شەگىپ وتىر», – دەدى سالا باسشىسى.
