Qyzylordada 23 jasóspirim ýaqytsha ustaý ızolıatoryna qamalǵan

Foto: ashyq derekkóz

Qyzylorda oblysynda bıyl jasóspirimder arasyndaǵy qylmys sany ulǵaıǵan. Bul týraly Qyzylorda OPD JPQB bastyǵy E.Jaýkeev habarlady, – dep jazady qandastar.kz

«2022 jyly oblysta 8 jasóspirim (Qyzylorda qalasy – 5, Qazaly aýdany – 3), 2023 jyly 13 jasóspirim (Qyzylorda qalasy – 10, Qazaly aýdany – 3), 2024 jyly 9 aı qorynydysymen 23 jasóspirim (Qyzylorda qalasy – 18, Shıeli aýdany – 5) ýaqytsha ustaý ızolıatoryna túrli qylmystyq quqyqbuzýshylyq jasaǵany úshin qamaýǵa alynǵan», – dedi ol.

Aımaqta toptyq tóbeles te tyıylmaı tur. Jyl basynan beri 5 derek tirkelgen. Al kámeletke tolmaǵan balalardyń qatysýymen oryn alǵan jol kólik oqıǵasynyń da sany basym.

«Oblysymyzda 2022 jyldyq qorytyndysymen barlyǵy 7 toptyq tóbeles tirkelse, árbir tóbeleste 1-2 bala túrli dene jaraqatyn alǵan. 2023 jyly mundaı derektiń 9-y tirkeldi, 2024 jyldyq 9 aıynyń qorytyndysymen 5 derek tirkeldi.

2022 jyldyń qorytyndysymen kámeletke tolmaǵandardyq qatysýymen 110 jol kólik oqıǵasy bolsa, odan 136 bala zardap shekkken. 2023 jyly balalardyń qatysýymen 180 jol kólik oqıǵasy bolsa, 202 bala zardap shekti. Al, 2024 jyldyq 9 aıynda jasóspirimderdiń qatysýymen 165 jol kólik oqıǵasy bolyp, onda 188 bala zardap shegip otyr», – dedi sala basshysy.