Qyzylordada 3 jasar balanyń basy balkonnyń temirine qysylyp qaldy

Foto: Aıqyn.kz

Qyzylorda qalasynda 3 jasar bala basyn balkonnyń temirine qysyp, shyǵara almaı qalǵan. Oqıǵa ornyna TJM qyzmetkerleri bardy, — dep habarlaıdy Aikyn.kz Massaget.kz-ke silteme jasap. 

Tótenshe jaǵdaı qyzmetkerleri qyzdyń basyn temirden shyǵarýǵa tyrysyp jatqany beınelengen vıdeo jýrnalıst Gúlmıra Ábiqaıdyń áleýmettik jelidegi paraqshasynda jarııalandy. Onyń aıtýynsha, qyzdyń basyn shyǵarýǵa aldymen ata-anasy tyrysqan, alaıda áreket nátıjesiz aıaqtaldy.

«Basyn balkonnan shyǵara almaı qınaldy. Qyzylordadaǵy kóp qabatty úıdiń balkonyna shyǵyp, temirden basyn shyǵaryp aýlany kórmek bolǵan 3 jasar qyzdyń basy qysylyp qaldy. О́zdiginen shyǵarmaq boldy, ata-anasy sýyryp almaq boldy, nátıjesiz.

Aqyry tótenshe jaǵdaıǵa habarlasyp, qutqarýshylar temirdi kesip, 3 jasar qyzdy aman-esen qutqardy.

Bul jaǵdaı 2 aı burynǵy oqıǵany eske saldy. Sáýir aıynda tanysyna kelgen meıman temir dýlyǵany kıip kórmekshi bolyp, basynan shyqpaı qalyp edi ǵoı? Umytpaǵan shyǵarsyzdar?

Ol kezde de oqıǵa Qyzylordada bolǵan», — dep jazǵan ol.