قىزىلوردادا 6 جاسار ەكى قىزدى زورلاعان ادام قاماۋدان بوساتىلدى

فوتو: اشىق دەرەككوز

قىزىلوردا سوتى التى جاسار ەكى قىزعا قاتىستى زورلىق-زومبىلىق جاساعان ەر ادامدى قىلمىستىق جاۋاپكەرشىلىكتەن بوساتىپ, ماجبۇرلەپ ەمدەۋگە جىبەردى. بۇل تۋرالى  qandastar.kz Stan.kz اقپارات اگەنتتىگىنە سىلتەمە جاساپ حابارلايدى.

قىزىلوردا وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ حابارلاۋىنشا, سوتتالۋشىعا قاتىستى قىلمىستىق ءىس جابىق سوت وتىرىسىندا قارالدى.

«اقىل-ەسى كەم ە ەكى جاس قىزعا قاتىستى جىنىستىق سيپاتتاعى زورلىق-زومبىلىق جاساعانى انىقتالدى. وعان ەكى باپ بويىنشا ايىپ تاعىلدى: قىلمىستىق كودەكستىڭ 121-بابىنىڭ 4-بولىگى بويىنشا (كامەلەتكە تولماعان بالاعا قاتىستى سەكسۋالدىق سيپاتتاعى زورلىق-زومبىلىق), قىلمىستىق كودەكستىڭ 124-بابىنىڭ 1-بولىگى بويىنشا (جاس بالاعا قاتىستى كۇش قولدانباي ازعىندىق ارەكەتتەر جاساۋ)», – دەلىنگەن حابارلامادا.

سوتتالۋشىنىڭ كىناسى قىلمىستىق ءىس ماتەريالدارىمەن, ساراپشىلاردىڭ قورىتىندىلارىمەن, كۋالاردىڭ ايعاقتارىمەن تولىق دالەلدەندى.

«سوت شەشىمىمەن سوتتالۋشى ە اقىل-ەسى دۇرىس ەمەستىگىنە بايلانىستى قىلمىستىق جاۋاپكەرشىلىكتەن بوساتىلدى. سوت قىلمىستىق كودەكستىڭ 16-بابىندا (ەسi دۇرىس ەمەستiك) كوزدەلگەن مەديتسينالىق سيپاتتاعى ماجبۇرلەۋ شارالارىن قولداندى», – دەلىنگەن حابارلامادا.

قاۋلى زاڭدى كۇشىنە ەنگەن جوق.