قىزىلوردادا ادۆوكات پەن ونىڭ جۇبايى الاياقتىق جاساعانى ءۇشىن 7 جىلعا باس بوستاندىعىنان ايىرىلدى

الاياقتىق پيعىلدارىنان بەيحابار بولعان جابىرلەنۋشى م. ولاردىڭ الداۋىنا كونىپ, تەكسەرۋدى توقتاتۋ ءۇشىن 8000 000 تەڭگە پارا بەرۋگە كەلىسىمىن بەرىپ, 5 000 000 تەڭگەنى قولما-قول بەرگەن.

وسىدان كەيىن, سوتتالۋشىلار ا. مەن گ. اتالعان 5000 000 تەڭگەنى الداپ العانىمەن قويماي, قىلمىستىق ءىس-ارەكەتتەرىن سوڭىنا دەيىن جەتكىزۋ ماقساتىندا قالعان 3000 000 تەڭگە اقشا قاراجاتىن الۋ ءۇشىن قايتا-قايتا حابارلاسىپ دەپارتامەنتتىڭ لاۋازىمدى تۇلعالارى پارانىڭ قالعان بولىگىن سۇراپ جاتقاندىعىن جالعان ايتىپ, قالعان 3 000 000 تەڭگەنى قولما-قول الىپ, سوڭعىعا قاتىستى تەكسەرۋدى توقتاتىلاتىنىن ايتىپ, العان اقشا قاراجاتتاردى دەپارتامەنتتىڭ لاۋازىمدى تۇلعالارىنا بەرگەندىگىن ايتىپ سەندىرگەن.

«ناتەجەسىندە جابىرلەنۋشى م.-عا 8000 000 تەڭگە اقشا قاراجاتىن الاياقتىق جولمەن يەمدەنىپ الىپ, ءىرى م ۇلىكتىك زالال كەلتىرگەن. باستى سوت تالقىلاۋىندا جابىرلەنۋشى م. وزىنە كەلتىرىلگەن م ۇلىكتىك شىعىن قايتارىلعانىن, سوتتالۋشىلارعا كەشىرىم بەرەتىنىن, تالاپ ارىزىنان باس تارتۋىنا بايلانىستى قاراۋسىز قالدىرۋدى سۇرايتىنىن, سوتتالۋشىلارعا جازا ماسەلەسى جونىندە سوتتىڭ قۇزىرىنا قالدىراتىن ايتىپ كورسەتكەن»,- دەلىنگەن اقپاراتتا.

ولارعا قر قك-ءنىڭ 190-بابى 3-بولىگى 1-تارماعىمەن, قك-ءنىڭ 28-بابى 4-بولىگى ارقىلى 367-بابى 3-بولىگى 1-تارماعىمەن ايىپ تاعىلدى.

«سوتتالۋشىلار قر قك-ءنىڭ 190-بابى 3-بولىگى 1)-تارماعىمەن, قك-ءنىڭ 28-بابى 4-بولىگى ارقىلى 367-بابى 3-بولىگى 1)-تارماعىمەن كىنالى دەپ تانىلىپ, قك-ءنىڭ 58-بابى 3-بولىگىنىڭ تالابىنا ساي ونشا قاتاڭ ەمەس جازانى نەعۇرلىم قاتاڭ جازاعا ءسىڭىرۋ ارقىلى, ارقايسىسىنا تۇپكىلىكتى مەملەكەتتىك قىزمەتتە جانە كۆازيمەملەكەتتىك سەكتور سۋبەكتىلەرىندە لاۋازىمداردى اتقارۋعا ءومىر بويىنا ايىرا وتىرىپ, 7 جىل مەرزىمگە باس بوستاندىعىنان ايىرۋ جازاسى تاعايىندالىپ, جازالارىن قىلمىستىق-اتقارۋ جۇيەسىنىڭ ورتاشا قاۋىپسىز مەكەمەلەرىندە وتەۋگە بەلگىلەندى».