قىزىلوردادا ايەلىن ۇرىپ ولتىرگەن 26 جاستاعى ازامات ۇستالدى

فوتو:azattyq-ruhy.kz

قىزىلوردادا اۋىلداردىڭ بىرىندە 26 جاستاعى جەرگىلىكتى تۇرعىن ايەلىن اياۋسىز ۇرىپ-سوققان. وكىنىشكە وراي, 21 جاستاعى قىزدىڭ ءمايىتى ءوز ۇيىنەن تابىلعان, دەپ حابارلايدى Qandastar.kz.

26 جاستاعى ءبىرجان جاڭاباي ەسىمدى ازامات 21 جاستاعى ايەلىن ۇرىپ ولتىرگەن. قىلمىس جاساعاننان كەيىن ءىزىن سۋىتپاي, وقيعا ورنىنان قاشىپ كەتكەن.

جەرگىلىكتى پوليتسيا كۇدىكتىگە ىزدەۋ سالىپ, كەيىن ونىڭ ۇستالعانىن حابارلاعان.

«قازىرگى ۋاقىتتا بۇل ءىس بويىنشا ءتيىستى ساراپتامالار تاعايىندالىپ, تەرگەۋ ءجۇرىپ جاتىر. كۇدىكتى ۇستالىپ, ۋاقىتشا ۇستاۋ يزولياتورىنا قامالدى, تەرگەۋ جالعاسۋدا», – دەلىنگەن قىزىلوردا وبلىسىنىڭ پوليتسيا دەپارتامەنتى جاۋابىندا.

تەرگەۋ مۇددەسى ءۇشىن وقيعانىڭ باسقا مالىمەتتەرى جاريالانبايدى.