قىزىلوردادا ەكى ەر ادام مۇگەدەكتىگى بار بالا مەن ونىڭ اتا-اناسىن ۇرىپ-سوققان

فوتو: ايكىن.كز

ءىnbusiness.kz جازعانداي, قىزىلوردادا ەكى ەر ادام مۇگەدەكتىگى بار بالا مەن ونىڭ اتا-اناسىن ۇرىپ-سوققان.

وقيعا 28 ماۋسىمدا قىزىلوردا وبلىسى ورتالىعىنىڭ سول جاعالاۋىنداعى كوپقاباتتى ءۇيدىڭ اۋلاسىندا ورىن العان.

كادردا قولىندا بالاسى بار ەر ادامنىڭ ورىندىقتا وتىرعان جىگىتتەرگە جاقىنداپ, ولاردىڭ ءبىرىن بالاعاتتاي باستاعانىن كورۋگە بولادى.

ءجاسوسپىرىم جايباراقات وتىرعاندا, كەنەتتەن ەر ادام ونىڭ باسىنان بىرنەشە رەت ۇرىپ, سوسىن تەپكىلەي باستايدى. ايەل تەلەفونمەن سويلەسىپ, نە بولىپ جاتقانىن باقىلاپ وتىر.

«بۇل ءبىرىنشى پودەزدە تۇراتىن ءۇيدىڭ تۇرعىندارىنا قوناققا كەلگەن ادامداردىڭ ءىسى. ءىنىم مۇگەدەك بولعاندىقتان ۇندەمەيدى, كوشەگە سيرەك شىعادى. سول كۇنى اتا-اناسىمەن قوناققا كەلگەن بالا ءىنىمدى رەنجىتىپ,  اياعىنان تەۋىپ جىبەردى. سودان كەيىن وقيعا بولىپ جاتقان جەرگە ەكى ەر ادام مەن ايەل كەلدى. ولاردىڭ ءبىرى الدىمەن ءىنىمدى, كەيىن نە بولعانىن بىلۋگە ​​شىققان انامدى اياۋسىز سوققىعا جىققان. سوسىن ەكەۋى بولعان جايدى ەستىپ, كومەككە شىققان اكەمە شابۋىل جاسادى. ۇرعان ءساتىنىڭ ۆيدەوسى بار», – دەپ جازدى جابىرلەنۋشىلەردىڭ تۋىسى.

ايتۋىنشا, وقيعادان كەيىن بالا اۋرۋحاناعا جەتكىزىلگەن. ونىڭ اتا-اناسى دا مەديتسينالىق كومەككە مۇقتاج. اتالعان فاكتى بويىنشا تەرگەۋ جۇمىستارى باستالدى.

ء«تيىستى تەرگەۋ شارالارى جۇرگىزىلۋدە», – دەپ حابارلادى قىزىلوردا وبلىسىنىڭ پوليتسيا دەپارتامەنتى.