Qyzylordada eki er adam múgedektigi bar bala men onyń ata-anasyn uryp-soqqan

Foto: Aıkyn.kz

Inbusiness.kz jazǵandaı, Qyzylordada eki er adam múgedektigi bar bala men onyń ata-anasyn uryp-soqqan.

Oqıǵa 28 maýsymda Qyzylorda oblysy ortalyǵynyń sol jaǵalaýyndaǵy kópqabatty úıdiń aýlasynda oryn alǵan.

Kadrda qolynda balasy bar er adamnyń oryndyqta otyrǵan jigitterge jaqyndap, olardyń birin balaǵattaı bastaǵanyn kórýge bolady.

Jasóspirim jaıbaraqat otyrǵanda, kenetten er adam onyń basynan birneshe ret uryp, sosyn tepkileı bastaıdy. Áıel telefonmen sóılesip, ne bolyp jatqanyn baqylap otyr.

«Bul birinshi podezde turatyn úıdiń turǵyndaryna qonaqqa kelgen adamdardyń isi. Inim múgedek bolǵandyqtan úndemeıdi, kóshege sırek shyǵady. Sol kúni ata-anasymen qonaqqa kelgen bala inimdi renjitip,  aıaǵynan teýip jiberdi. Sodan keıin oqıǵa bolyp jatqan jerge eki er adam men áıel keldi. Olardyń biri aldymen inimdi, keıin ne bolǵanyn bilýge ​​shyqqan anamdy aıaýsyz soqqyǵa jyqqan. Sosyn ekeýi bolǵan jaıdy estip, kómekke shyqqan ákeme shabýyl jasady. Urǵan sátiniń vıdeosy bar», – dep jazdy jábirlenýshilerdiń týysy.

Aıtýynsha, oqıǵadan keıin bala aýrýhanaǵa jetkizilgen. Onyń ata-anasy da medıınalyq kómekke muqtaj. Atalǵan fakti boıynsha tergeý jumystary bastaldy.

«Tıisti tergeý sharalary júrgizilýde», – dep habarlady Qyzylorda oblysynyń Polıııa departamenti.