Qyzylordada er adam áıeliniń qabyrǵasyn syndyrǵan

Foto: vıdeodan kadr

Qyzylorda oblysynda Tasbóget kentinde er adam aýrýhanada jumys isteıtin jubaıyn qyzǵanyshtan mekeme ishinde uryp-soqqan, dep habarlaıdy qandastar.kz Stan.kz-ke silteme jasap. 

Oqıǵaǵa polıeılermen suhbattasý úshin Tasbóget aýylyna barǵan jýrnalıst Jazıra Begaly kýá bolǵan.

Zardap shekken Sáýle Akımovanyń aıtýynsha, ol dárigerden kúıeýiniń medıınalyq portaly týraly málimetterdi suraǵan. Alaıda dáriger áıeldiń jubaıyna qońyraý shalyp, ony ózine shaqyrtqan. Ashýlanǵan er adam medıınalyq mekemege kelip, dál sol jerde áıelin aıaýsyz urǵan. Áıelge eki qabyrǵasynda jaryq dıagnozy qoıyldy.

Sáýle aýrýhanada sanıtar bolyp jumys isteıdi. Onyń eki balasy bar.

“Aýyryp turmyn, janym qınalyp tur. Kúıeýimniń ústinen aryz jazyp, qamatqym keledi. Aýrýhana qarap, aýrýdy bastyn dári berdi. Qabyrǵamdy kúıeýim uryp syndyrdy. Osymen ekinshi ret. О́tkende de osylaı etken.

Árqashan osylaı meni urady. Iship alsa da, ishpese de… Tili de jaman. Balaǵattaı beredi. Aýrýhanada sanıtar bolyp jumys isteımin. “Sol jerdegi erkektermen oınassyń” deıdi. Ol jerde 99 paıyz áıel adam jumys isteıdi. 8-aq er adam bar úlken aýrýhanada. Solarmen meni qosyp, únemi balalardyń kózinshe balaǵattap, tabalaı beredi”, – dedi kelinshek.

Al Sáýleniń kúıeýi bolsa óz qateligin moıyndamaıdy.

«Meniń qatynym, ózim bilemin. Sotqa júginemin, bul meniń otbasylyq isim», — dedi er adam vıdeoda.

Qyzylorda oblysynyń polıııa departamenti densaýlyqqa qasaqana aýyrlyǵy ortasha zııan keltirý faktisi boıynsha qylmystyq is qozǵaǵanyn habarlady.

«Jábirlenýshi eki balasymen daǵdarys ortalyǵyna ornalastyryldy. Onda olarǵa jan-jaqty psıhologııalyq, quqyqtyq jáne áleýmettik kómek kórsetiledi. Otbasyn qorǵaý maqsatynda kúdiktige (3 toptaǵy múgedekke) qatysty qorǵaý uıǵarymy shyǵaryldy», — dep habarlady polıııa.

Qylmystyq is oblystyq polıııa departamenti basshylyǵynyń baqylaýynda.