Qyzylordada kene shaqqan azamat qaıtys boldy

Foto: depositphotos.com

Qyzylorda Kongo-Qyrym qandy bezgeginen bir adam qaıtys boldy, dep habarlaıdy Qandastar.kz.

Oblystyq jumyldyrý daıyndyǵy basqarmasy málimetinshe, keneden kesel juqtyrǵan Shıeli aýdanynyń egde jastaǵy turǵyny.

– Kene shaqqan nemese kene shaqqanyna kúmándanǵan jaǵdaıda adamdar kóbine óz betinshe úıde emdelem dep ýaqyt joǵaltyp alady. Ol kisi de sóıtken. Der kezinde dárigerge júginse, bulaı bolmaýy múmkin edi, – dedi basqarma basshysy Marat Qurmanbaev.

Aıta ketý kerek, jyl basynan beri oblysta Kongo-Qyrym gemorragııalyq qyzbasyn juqtyrýy múmkin degen kúdikpen 14 adam aýrýhanaǵa jatqyzylǵan. Onyń 7-inde dıagnoz rastaldy.

– Arasynda balalar da, eresek adamdar da bar. Olar emdelip, qalypty jaǵdaıǵa keldi, – dedi basqarma basshysy.

Oblysta indet tasymaldaıtyn kenelerdiń oshaǵy kóbeıip keledi. О́tken jyly mundaı eldi mekender sany 106 bolsa, bıyl 115-ke jetti.