قىزىلوردادا كۇيىك شالعان ەكى بالا ساناۆياتسيا بورتىمەن الماتىعا جەتكىزىلدى

فوتو: اشىق دەرەككوز

كەشە قىزىلوردا وبلىسىندا 75%-عا جۋىق كۇيىك جاراقاتىمەن قاتتى كۇيىكتەن زارداپ شەككەن, اسا اۋىر جاعدايداعى ەكى بالا شۇعىل تۇردە الماتى قالاسىنىڭ بالالار جانە شۇعىل مەديتسينالىق كومەك ورتالىعىنا جەتكىزىلدى. بۇل تۋرالى قر دەنساۋلىق ساقتاۋ ءمينيسترى اقمارال ءالنازاروۆا ءوزىنىڭ Facebook الەۋمەتتىك پاراقشاسىندا جاريالادى, دەپ حابارلايدى Qandastar.kz.

– پاتسيەنتتەردىڭ جاعدايى اۋىر, بارلىق قاجەتتى ەمدەۋ شارالارى جۇرگىزىلۋدە, – دەلىنگەن حابارلاماسىندا.

ايتا كەتۋ كەرەك, قىزىلوردادا گاز جارىلۋى سالدارىنان جەكە تۇرعىن ءۇي قيراپ قالعان. سالدارىنان ءتورت ءجاسوسپىرىم جاراقات الىپ, جانساقتاۋ بولىمىنە جەتكىزىلگەن.

وقيعا 28 شىلدەدە ساعات 19-دان 56 مينۋت وتكەندە قىزىلوردا قالاسىنىڭ ءال-فارابي شاعىن اۋدانىندا جەكە تۇرعىن ۇيدە بولعان.