قىزىلوردادا قۇلاپ قالعان ايەل فيتنەس-كلۋبتان سوت ارقىلى ميلليون تەڭگە ءوندىرىپ العان

فوتو: اشىق دەرەككوز

قىزىلوردادا ايەل فيتنەس-كلۋبتىڭ ۇستىنەن ماتەريالدىق جانە مورالدىق شىعىندى ءوندىرۋ ءۇشىن ارىز جازعان. بۇل تۋرالى Stan.kz اقپارات اگەنتتىگى حابارلايدى.

قىزىلوردا قالالىق سوتى اپپاراتىنىڭ باسشىسى نۇريلا دۇيسەنوۆانىڭ ايتۋىنشا, 54 جاستاعى ايەل فيتنەس-كلۋبقا بارعان, بىراق ءبىر كۇنى جاتتىعۋ كەزىندە سالقىنداتقىشتىڭ جانىنداعى دىمقىل ەدەنگە تايىپ, قۇلاپ كەتكەن.

«ايەل قاتتى سوققىعا ۇشىراپ, جەدەل جاردەم شاقىرۋعا ءماجبۇر بولدى. ارتىنشا ول تراۆماتولوگيا جانە ورتوپەديا عىلىمي ورتالىعىندا ەمدەلدى. ول جۇمىسقا بارا الماي, توسەك تارتىپ قالعان. سالدارىنان جالاقىدان ايىرىلعان, سوندىقتان ايەل فيتنەس-كلۋب باسشىلىعىنان مورالدىق جانە ماتەريالدىق وتەماقى تالاپ ەتتى», – دەپ اتاپ ءوتتى دۇيسەنوۆا.

ايەل فيتنەس كلۋبتان ميلليون تەڭگەدەن استام اقشا تالاپ ەتتى. سوت فيتنەس-كلۋب تۇتىنۋشىنىڭ دەنساۋلىعى مەن قاۋىپسىزدىگى ءۇشىن قاجەتتى شارالاردى قولدانباعان دەگەن قورىتىندىعا كەلدى. تالاپكەردىڭ تالاپتارى قاناعاتتاندىرىلدى.

جاۋاپكەر مۇنىمەن كەلىسپەي, وبلىستىق سوتقا اپەللياتسيالىق شاعىم ءتۇسىردى. دەسە دە سوت شەشىمى وزگەرىسسىز قالدى.