Qyzylordada qulap qalǵan áıel fıtnes-klýbtan sot arqyly mıllıon teńge óndirip alǵan

Foto: ashyq derekkóz

Qyzylordada áıel fıtnes-klýbtyń ústinen materıaldyq jáne moraldyq shyǵyndy óndirý úshin aryz jazǵan. Bul týraly Stan.kz aqparat agenttigi habarlaıdy.

Qyzylorda qalalyq soty apparatynyń basshysy Nurıla Dúısenovanyń aıtýynsha, 54 jastaǵy áıel fıtnes-klýbqa barǵan, biraq bir kúni jattyǵý kezinde salqyndatqyshtyń janyndaǵy dymqyl edenge taıyp, qulap ketken.

«Áıel qatty soqqyǵa ushyrap, jedel járdem shaqyrýǵa májbúr boldy. Artynsha ol travmatologııa jáne ortopedııa ǵylymı ortalyǵynda emdeldi. Ol jumysqa bara almaı, tósek tartyp qalǵan. Saldarynan jalaqydan aıyrylǵan, sondyqtan áıel fıtnes-klýb basshylyǵynan moraldyq jáne materıaldyq ótemaqy talap etti», – dep atap ótti Dúısenova.

Áıel fıtnes klýbtan mıllıon teńgeden astam aqsha talap etti. Sot fıtnes-klýb tutynýshynyń densaýlyǵy men qaýipsizdigi úshin qajetti sharalardy qoldanbaǵan degen qorytyndyǵa keldi. Talapkerdiń talaptary qanaǵattandyryldy.

Jaýapker munymen kelispeı, oblystyq sotqa apellıaııalyq shaǵym túsirdi. Dese de sot sheshimi ózgerissiz qaldy.