قىزىلوردادا مەكتەپ ديرەكتورى مەن باس ەسەپشى 21 ملن تەڭگە جىمقىرعان

فوتو: اشىق دەرەككوز

قىزىلوردادا مەملەكەتكە جالپى 21,7 ميلليون تەڭگەدان استام م ۇلىكتىك زالال كەلگتىرگەن مەكتەپ ديرەكتورى مەن باس ەسەپشىسى سوتتالدى, دەپ جازادى qandastar.kz قىزىلوردا قالاسىنىڭ №2 سوتىنا سىلتەمە جاساپ.

سوتتالۋشى بالالار مەن جاسوسپىرىمدەردىڭ وليمپيادالىق رەزەرۆ مەكتەبىنىڭ ديرەكتورى قىزمەتىن اتقارعان. ول قىزمەت بابىن پايدالانۋ ارقىلى باس ەسەپشىسىنىڭ كومەگىمەن ءوزىنىڭ شوتىنا 2018-2023 جىلدار ارالىعىندا بيۋدجەت قاراجاتىن زاڭسىز اۋدارتىپ العان. ونى جەكە باس پايداسىنا جاراتىپ, مەملەكەتكە ءىرى مولشەردە زالال كەلتىرگەن.

«باس ەسەپشىنىڭ قىلمىستىق ارەكەتىنەن مەملەكەتكە جالپى 21,7 ميلليون تەڭگەدان استام م ۇلىكتىك زالال كەلگەن. سوت وتىرىسىندا ولار تاعىلعان ايىپتى مويىنداپ, ءوز ارەكەتىنە وكىنەتىنىن كورسەتكەن. سوتتالۋشى جۇكتى ەكەنىن, اسىراۋىندا كامەلەتكە تولماعان بالالارى بارىن ەسكەرىپ, باس بوستاندىعىنان ايىرۋعا بايلانىستى ەمەس جازا تاعايىنداۋدى سۇرادى. جابىرلەنۋشى وكىلى سوتتالۋشىلار شىعىندى تولىق وتەگەنىن جانە باسقا تالابى جوق ەكەنىن كورسەتتى. سوت ۇكىمىمەن سوتتالۋشىنى قر قىلمىستىق كودەكسىنىڭ 189-بابى 3-بولىگى 1), 2), 3)-تارماقتارىمەن كىنالى دەپ تانىلدى. ول بەلگىلى ءبىر لاۋازىمداردى اتقارۋ قۇقىعىنان ءومىر بويىنا شەتتەتىلىپ, 2 جىل مەرزىمگە باس بوستاندىعىنان ايىرۋ جازاسى تاعايىندالدى», – دەپ ءمالىم ەتتى قىزىلوردا قالاسىنىڭ №2 سوتىنان.

ال بالالار مەن جاسوسپىرىمدەردىڭ وليمپيادالىق رەزەرۆ مەكتەبىنىڭ ديرەكتورى قر قىلمىستىق كودەكسىنىڭ 28-بابى 5-بولىگى 189-بابى 3-بولىگى 1),2),3)-تارماقتارىمەن, 189-بابى 3-بولىگى 1)-تارماعىمەن كىنالى دەپ تانىلدى.

«وعان اتالعان كودەكستىڭ 58-بابى 3-بولىگىنىڭ تالابىنا ساي ونشا قاتاڭ ەمەس جازانى نەعۇرلىم قاتاڭ جازاعا ءسىڭىرۋ ارقىلى بەلگىلى ءبىر لاۋازىمداردى اتقارۋ قۇقىعىنان ءومىر بويىنا شەتتەتىىلدى. وعان تۇپكىلىكتى 3 جىل مەرزىمگە باس بوستاندىعىنان ايىرۋ جازاسى تاعايىندالدى. سوتتالۋشىعا قر قىلمىستىق كودەكسىنىڭ 74-بابى 1-بولىگى قولدانىلدى. ون ءتورت جاسقا تولماعان بالالارى بار ايەل رەتىندە جازانى ورىنداۋ بەس جىلعا دەيىن كەيىنگە قالدىرىلدى», – دەپ تولىقتىردى سوتتان.