قىزىلوردادا وقۋشى قىزدى جەزوكشەلىككە ماجبۇرلەۋ ءىسى بويىنشا تاعى ءبىر ايىپتالۋشى سوتتالدى

فوتو: اشىق دەرەككوز

قىزىلوردادا وقۋشى قىزدى جەزوكشەلىككە ماجبۇرلەۋ ءىسى بويىنشا تاعى ءبىر ايىپتالۋشى سوتتالدى, دەپ جازدى qandastar.kz

سوت وتىرىسى جابىق ءوتتى. ايىپتالۋشى جابىرلەنۋشىنىنىڭ كامەلەت جاسىنا تولماعانىن بىلە تۇرا, ونى بىرنەشە رەت پسيحوتروپتىق زاتتاردى تۇتىنۋعا كوندiرگەن. سوتتالۋشىنىڭ كىناسى وقيعا ورنىن قاراپ-تەكسەرۋ, بەتتەستىرۋ جانە جابىرلەنۋشىنىڭ جاۋاپتارىمەن دالەلدەندى. پروكۋرور ونى كىنالى دەپ تانىپ, 8 جىلعا باس بوستاندىعىنان ايىرۋدى سۇرادى. جابىرلەنۋشىنىڭ وكىلى سوتتالۋشىعا كەشىرىم بەرەتىنىن, باس بوستاندىعىنان ايىرماي, جازا تاعايىنداۋ جونىندە ويىن ءبىلدىردى. ناتيجەسىندە سوت ۇكىمىمەن سوتتالۋشى جازاسىن 8 جىل تۇرمەدە وتەيدى.