قىزىلوردادا وقۋشىنى كەۋدەسىنەن ۇرىپ ءولتىرىپ العان بالا سوتتالدى

فوتو: Tengrinews.kz/ تۇرار قازانعاپوۆ

قىزىلوردادا وقۋشىنى ابايسىزدا ءولتىرىپ العان وقۋشىعا قاتىستى سوت ۇكىمى شىقتى, – دەپ حابارلايدى qandastar.kz Massaget.kz تىلشىسىنە سىلتەمە جاساپ.

بيىل اقپاندا 9-سىنىپ وقۋشىسى ۇيىنە جاقىن جەردە ءولى تابىلعان ەدى.

«كامەلەتكە تولماعان ايىپتالۋشى جابىرلەنۋشىمەن جانجالداسىپ قالعان. كۇدىكتى جابىرلەنۋشىنىڭ كەۋدە تۇسىنان ەكى رەت ۇرىپ جىبەرگەن. سالدارىنان وقۋشىنىڭ جۇرەگى توقتاپ, وقيعا ورنىندا مەرت بولعان. كامەلەتكە تولماعان ايىپتالۋشى كىناسىن تولىق مويىندامادى.

ساراپتاما ناتيجەسىنە سايكەس جابىرلەنۋشى سوققىدان فيزيكالىق جاراقات العان», – دەلىنگەن سوتتىڭ حابارلاماسىندا.

سوت ۇكىمىمەن كامەلەتكە تولماعان ايىپتالۋشى كىنالى دەپ تانىلىپ, 6 جىل 8 ايعا باس بوستاندىعىنان ايىرىلدى.

سوت ۇكىمى ازىرگە زاڭدى كۇشىنە ەنگەن جوق.