Qyzylordada oqýshyny keýdesinen uryp óltirip alǵan bala sottaldy

Foto: Tengrinews.kz/ Turar Qazanǵapov

Qyzylordada oqýshyny abaısyzda óltirip alǵan oqýshyǵa qatysty sot úkimi shyqty, — dep habarlaıdy qandastar.kz Massaget.kz tilshisine silteme jasap.

Bıyl aqpanda 9-synyp oqýshysy úıine jaqyn jerde óli tabylǵan edi.

«Kámeletke tolmaǵan aıyptalýshy jábirlenýshimen janjaldasyp qalǵan. Kúdikti jábirlenýshiniń keýde tusynan eki ret uryp jibergen. Saldarynan oqýshynyń júregi toqtap, oqıǵa ornynda mert bolǵan. Kámeletke tolmaǵan aıyptalýshy kinásin tolyq moıyndamady.

Saraptama nátıjesine sáıkes jábirlenýshi soqqydan fızıkalyq jaraqat alǵan», — delingen sottyń habarlamasynda.

Sot úkimimen kámeletke tolmaǵan aıyptalýshy kináli dep tanylyp, 6 jyl 8 aıǵa bas bostandyǵynan aıyryldy.

Sot úkimi ázirge zańdy kúshine engen joq.