«Qyzylordada oqýshyny synyptastary jezókshelikpen aınalysýǵa májbúrlegen»: Jantúrshigerlik jaǵdaıdyń mán-jaıy

Foto: ashyq derekkóz

Qyzylorda oblysynda jaǵaustatar jaǵdaı bolǵan. «Nemolchı» qorynyń jetekshisi Dına Tańsáriniń sózinshe, 16 jastaǵy qyzdy synyptastary jezókshelikpen aınalysýǵa májbúrlegen, – dep habarlaıdy qandastar.kz Massaget.kz tilshisine silteme jasap.

Dına Tańsári 16 jastaǵy oqýshyny synyptastary aqpannan bastap týystarymen jezókshelikke satqanyn, qyz – bir úıdiń jalǵyzy ekenin málimdedi.

«Ol aqpannan bastap joǵalyp kete bastaǵan, ata-anasy polıııaǵa, kámeletke tolmaǵandar isi jónindegi ınspektorǵa izdeý úshin júgingen, biraq olar qyzdy izdemegen, ol az bolǵandaı ata-ana quqyǵynan aıyramyz dep qorqytqan, qoryqqan ata-ana qyzdaryn ózderi izdegen», – dedi ol.

«Nemolchı» qorynyń jetekshisi usynǵan málimetke súıensek, qyz aýyq-aýyq baılanysqa shyǵyp, vıdeomen habarlasyp, kafede daıashy nemese gúl satatyn dúkende satýshy bolyp jumys isteıtinin aıtqan. Ata-anasy aıtylǵan jerge barǵanda, ol jaqtaǵylar qyzdyń jaı ǵana vıdeo túsirip, ketip qalǵanyn jetkizgen. Qyzdyń sózinshe, ata-anasy shý shyǵarmas úshin ony osylaı jasaýǵa májbúr etken.

«Aqpannan bastap ol mekteptegi sabaǵyna qatyspaǵan, keıde ata-anasyna jiberip turǵan kezde ǵana sabaqqa baryp júrgen. Dırektor muǵalimdermen birge qyzǵa psıhologııalyq turǵydan qysym jasaı bergen», – dep jazdy Tańsári.

Qoǵam belsendisiniń sózine súıensek, qyzdyń synyptastary týystary Astanadan ekenin, ol jaqta «kryshalary» baryn, tipti qyzǵa ata-anasyn óltiretinin aıtyp qorqytqan.

«Qyz ata-anasy úshin qoryqqan, óıtkeni ol bul adamdardyń qaýipti ekenin bilgen. Oǵan únemi esirtki berip, zorlaǵan. Bul týraly bári bilgen, qyzdyń ata-anasy muǵalimder men mektep dırektory, ýchaskelik polıeı biletinine de senimdi. Keshe munyń bári ashyldy. О́ıtkeni olar qyzdan úlken somada aqsha suraǵan, al bul somany tappasa, shashyn, qastaryn qyryp tastaıtynyn aıtqan. Qyz aqshany Instagram-daǵy dosynan suraýdy uıǵarǵan, al dosy shydaı almaı, qyzdyń ata-anasyna mán-jaıdy habarlaǵan.

Shyn máninde jaǵdaı adamshoshıtyndaı bolyp shyqty, qyzdy azaptap, mefedrondy kúshtep qabyldaýǵa májbúr etken, tunshyqtyryp, balqytylǵan pakettermen kúıdirip, qorlaǵan, jezókshelikpen aınalysatyn áıelderdiń saıtyna tirkep, jezókshelikpen aınalysýǵa májbúr etip, aqshasyn alyp júrgen», – dep jazdy «Nemolchı» qorynyń jetekshisi.

Dına Tańsáriniń aıtýynsha, Qyzylorda polıııasy tergeý júrgizip jatyr, kúdiktiler ustalǵan.

Massaget.kz bul máselege oraı Qyzylorda oblysynyń Bilim basqarmasyna jáne Polıııa departamentine habarlasty. Tıisti vedomstvolar resmı saýal joldaýdy surady.