ءبىلىم
قىزىلوردادا وقۋشىنى جەزوكشەلىككە ماجبۇرلەگەندەر قاماۋعا الىندى
فوتو: اشىق دەرەككوز
بۇدان باسقا, وسى فاكتى بويىنشا جاۋاپتى لاۋازىمدى تۇلعالارعا قاتىستى جۇرگىزىلگەن قىزمەتتىك تەرگەۋ ناتيجەسىندە قىزىلوردا وبلىسى پد بىرقاتار قىزمەتكەرلەرى قاتاڭ تارتىپتىك جاۋاپكەرشىلىككە تارتىلعان.
قر ىشكى ىستەر مينيسترلىگى قىزىلوردادا 16 جاسار وقۋشىنى جەزوكشەلىككە ماجبۇرلەۋ تۋرالى قىلمىستىق ءىستى تەرگەۋدىڭ ءمان-جايىن باياندادىن, دەپ حابارلايدى qandastar.kz Skifnews.kz اقپارات پورتالىنا سىلتەمە جاساپ.
مينيسترلىك قىزىلوردا وبلىسى پوليتسيا دەپارتامەنتىنىڭ تەرگەۋ باسقارماسى كامەلەتكە تولماعانداردى جەزوكشەلىكپەن اينالىسۋعا تارتۋ فاكتىسى بويىنشا قىلمىستىق كودەكستىڭ 134-بابىنىڭ 3-بولىگى بويىنشا تەرگەۋ جۇرگىزىپ جاتقانىن حابارلادى.
«بۇدان باسقا, وسى قىلمىستىق ءىس شەڭبەرىندە قك بىرنەشە بابى بويىنشا, ونىڭ ىشىندە جەزوكشەلىكپەن اينالىسۋعا ارنالعان پريتون ۇيىمداستىرۋ جانە جەڭگەتايلىق (309-بابى 2-بولىگى), بوپسالاۋ (194-بابى 2-بولىگى), ەسىرتكى قۇرالدارىن, پسيحوتروپتىق زاتتاردى, ولاردىڭ انالوگتارىن قولدانۋعا كوندىرگەنى ءۇشىن (299-بابى 3-بولىگى), ازاپتاۋ ءۇشىن (110-بابى 1-بولىگى), كامەلەتكە تولماعان بالانى تاربيەلەۋ جونىندەگى مىندەتتەردى ورىنداماعانى ءۇشىن (140-بابى 1-بولىگى) تەرگەۋ ءجۇرىپ جاتىر», – دەپ جاۋاپ بەردى مينيسترلىك رەداكتسيانىڭ رەسمي سۇراۋىنا.
سونداي-اق, وسى فاكتىلەر بويىنشا 8 كۇدىكتىگە سوت «قاماۋدا ۇستاۋ» تۇرىندەگى بۇلتارتپاۋ شاراسىن تاڭدادى, بىرەۋى ۇيقاماقتا.
بۇدان باسقا, وسى فاكتى بويىنشا جاۋاپتى لاۋازىمدى تۇلعالارعا قاتىستى جۇرگىزىلگەن قىزمەتتىك تەرگەۋ ناتيجەسىندە قىزىلوردا وبلىسى پد بىرقاتار قىزمەتكەرلەرى قاتاڭ تارتىپتىك جاۋاپكەرشىلىككە تارتىلعان.
