Qyzylordada oqýshyny jezókshelikke májbúrleý: Qylmystyq iske qatysty 13 adam anyqtaldy

Qyzylordada 16 jasar oqýshyny synyptastary jezókshelikke májbúrleý týraly qylmystyq iske qatysty QR Ishki ister mınıstriniń orynbasary Igor Lepeha jańa derekter jarııalady, dep habarlady Qandastar.kz.

«Is boıynsha búginge deıin 13 adam anyqtaldy, onyń ishinde 11-i qamaýda, al ekeýi úı qamaqta. Olarǵa birqatar bap boıynsha qylmystyq ister qozǵaldy. 13 adamnyń arasynda qyzdy májbúrlegender de, uıymdastyrǵandar da bar. Bul is boıynsha basqa derekterdi jarııalaı almaımyn, sebebi onyń mán-jaıy tergeýshilerdiń quzyretinde», – dep I.Lepeha Senattyń jalpy otyrysynan keıin tilshiler suraǵyna jaýap berdi.

Sondaı-aq, jábirlenýshi qyzǵa qatysty zańsyz áreket jasaǵandardyń barlyǵy tekserilýde. Buǵan deıin tamyz aıynyń sońynda 8 kúdikti qamalǵany belgili bolǵan.

Oqýshy qyzdyń ata-anasy jaǵdaıdy qoǵamdyq qorǵa júgingen. Nátıjesinde Qyzylorda polıııasy atalǵan derek boıynsha kúdiktilerdi ustap, ýaqytsha ustaý ızolıatoryna qamady. Keıin kúdikke ilingen mektep oqýshylary úıqamaqqa aýystyryldy.

Oqıǵaǵa baılanysty №7 mektep-lıeı dırektory, tárbıe isi jónindegi orynbasary, psıhology, áleýmettik pedagogi, synyp jetekshileri qyzmetinen bosatyldy.