قىزىلوردادا وزگەنىڭ كولىگىن ساتىپ جىبەرگەن ادام ۇستالدى

فوتو: zakon.kz

قىزىلوردادا وزگەنىڭ كولىگىن ساتىپ, اقشانى قالتاعا باسقان ادام ۇستالدى, دەپ حابارلايدى qandastar.kz Zakon.kz-كە سىلتەمە جاساپ.

الاياقتىڭ قۇربانى بولعان جەرگىلىكتى تۇرعىن بولعاندىعىن ايتىپ, پوليتسياعا ارىزدانعان.

ايەلدىڭ ايتۋىنشا, قىركۇيەك ايىندا جەرگىلىكتى تۇرعىن سەنىمىنە كىرىپ, Lexus ۇلگىسىندەگى اۆتوكولىگىن ساتىپ بەرەمىن دەپ ۋادە بەرىپ, كولىكتى يەمدەنىپ العان.
«كۇدىكتى قالا تۇرعىنىنا جالعان ايتىپ, اۆتوكولىگىن ساتىپ جىبەرگەن. ءوزىنىڭ الدانعانىن تۇسىنگەن ازاماتشا دەرەۋ پوليتسيا باسقارماسىنا ارىزبەن جۇگىندى. جابىرلەنۋشىگە 5,6 ملن تەڭگە كولەمىندە شىعىن كەلتىرىلگەن. جەدەل-ىزدەستىرۋ شارالارىنىڭ ناتيجەسىندە 28 جاستاعى كۇدىكتى ۇستالدى.ول قىزىلوردا قالالىق پوليتسيا باسقارماسىنىڭ ۋاقىتشا ۇستاۋ يزولياتورىنا قامالدى. ونىڭ باسقا دا وسىعان ۇقساس قىلمىسقا قاتىسى بار-جوعى تەكسەرىلىپ جاتىر. اتالعان دەرەك بويىنشا سوتقا دەيىنگى تەرگەپ-تەكسەرۋ ارەكەتتەرى جۇرگىزىلىپ جاتىر», – دەپ حابارلادى قىزىلوردا وبلىستىق پوليتسيا دەپارتامەنتى.