جاڭالىقتار
Cەكسۋالدى قۇلدىق; قىزىلوردالىق وقۋشى قىزدىڭ ىسىنە قاتىستى بەس ءجاسوسپىرىم تەرگەلۋدە
فوتو: اشىق دەرەككوز
قىزىلوردادا سەكسۋالدى قۇلدىقتا بولعان وقۋشى قىزدىڭ ىسىنە بايلانىستى تاعى 11 كۇدىكتى انىقتالدى. قىلمىستىق ءىستىڭ 9 قاتىسۋشىسى قاماۋدا وتىر, ال ەكەۋىنە «ۇيقاماققا الۋ» بۇلتارتپاۋ شاراسى تاڭدالدى. وكىنىشتىسى, ونىڭ ىشىندە بەسەۋى كامەلەتكە تولماعان جاسوسپىرىمدەر بولىپ شىقتى, دەپ حابارلايدى qandastar.kz.
قىزىلوردا وبلىسىنىڭ پوليتسيا دەپارتامەنتى كامەلەتكە تولماعانداردى جەزوكشەلىكپەن اينالىسۋعا تارتۋ فاكتىسى بويىنشا قىلمىستىق ءىستى تەرگەپ جاتىر.
سونداي-اق قۇقىق قورعاۋ ورگاندارى كامەلەتكە تولماعانداردى جەزوكشەلىكپەن اينالىسۋعا تارتۋ; جەزوكشەلىكپەن اينالىسۋ ءۇشىن پريتونداردى ۇيىمداستىرۋ نەمەسە ۇستاۋ; بوپسالاۋ; ەسىرتكى قۇرالدارىن, پسيحوتروپتىق زاتتاردى, ولاردىڭ انالوگتارىن قولدانۋعا كوندىرۋ; ازاپتاۋ; كامەلەتكە تولماعان بالانى تاربيەلەۋ جونىندەگى مىندەتتەردى ورىنداماۋ بويىنشا ءىستى قاراۋدا.
«قىلمىستىق ىستەردىڭ توعىز قاتىسۋشىسى قاماۋدا. ەكەۋىنە «ءۇي قاماعىنا الۋ» بۇلتارتپاۋ شاراسى تاعايىندالدى. ولاردىڭ اراسىندا بەس كامەلەتكە تولماعان بالا بار. ءىستىڭ ءمان-جايى بويىنشا جابىرلەنۋشىدەن جاۋاپ الىندى. سوت تىڭداۋى مەن اشىق سوت تالقىلاۋى ماسەلەسى سوتتىڭ قۇزىرەتىندە», – دەلىنگەن ءىىم-ءنىڭ جاۋابىندا.
بۇعان دەيىن مينيسترلىك 13 كۇدىكتى تۋرالى حابارلاعان ەدى.
