قىزىلوردادا تاربيەشى اۋتيزمگە شالدىققان بالاعا قورلىق كورسەتكەن

ۆيدەودان سكرين

قىزىلورداداعى جەكەمەنشىك “جاس ۇرپاق” بالاباقشاسىندا تاربيەشىسى ەرەكشە بالاعا قول كوتەرگەن. ءتىپتى اۋتيزمگە شالدىققان بۇلدىرشىنگە تاماق بەرمەي, قورلىق كورسەتكەن, دەپ جازدى

بۇل تۋرالى Stan.kzاقپارات اگەنتتىگى “ينفورمبيۋرو” باعدارلاماسىنا سىلتەمە جاساپ حابارلايدى.

ال باسقا اتا-انالار ورتالىققا باراتىن بالالارىمىزدىڭ دەنەسى كوگەرىپ, بەت-اۋىزى جارا بولىپ كەلەدى دەپ شاعىمدانىپ وتىر. ايتۋلارىنشا قىزمەتكەرلەر ناۋقاس بالالارعا كۇش كورسەتىپ, دۇرىس تاماقتاندىرمايدى. قازىر شۋ شىققان بوبەكجاي ماماندارىنا قاتىستى پوليتسيا تەرگەۋ جۇرگىزىپ جاتىر.

بەينەجازبا كامەرالارعا ءتۇسىپ قالعان. 5 جاسار ءاليحان امانباي مازاسىندانىپ, قوزعالا باستايدى. بۇعان اشۋلانعان قىزمەتكەر ءبۇلدىرشىندى كوتەرىپ الىپ جەرگە تاستاي سالان. ءاليحاننىڭ اناسى اۋتيزمگە شالدىققان بالاما قاتىگەزدىك تانىتقان تاربيەشى تۇك بولماعانداي ۇيىقتاپ قالعان دەپ وتىر.

«كامەرانى اشقان كەزدە تاربيەشىنىڭ بالانى الىپ, جەرگە لاقتىرعانىن كورەمىن. ارتىنان تاعى سوققى بەرگەن. بالاعا ەشقانداي كومەك كورسەتپەگەن. تاربيەشىلەر ءارى قاراي ۇيىقتاپ جاتىر. بالانىڭ مۇرىنى قاناپ جاتىر. ونى شالقاسىنان جاتقىزىپ, ۇيىقتاتىپ تاستاعان. قان ميعا كەتىپ قالسا, ءولىپ كەتۋى دە مۇمكىن عوي”, – دەيدى قىزىلوردا قالاسىنىڭ تۇرعىنى ۇلبولسىن ءمۇسلىم.

بۇل جاعدايدان كەيىن وزگە دە اتا-انالار پوليتسياعا شاعىم تۇسىرگەن. ايتۋلارىنشا ءارتۇرلى دياگنوزى بار باسقا بۇلدىرشىندەردىڭ دە بۇعان دەيىن بالاباقشادان دەنەلەرى كوگەرىپ, ءتىپتى ءبىرىنىڭ قولى سىنىپ كەلگەن ەكەن. سوندىقتان اتا-انالار قاتال قىزمەتكەرلەر ەرەكشە بالالارىمىزدى ۇرىپ-سوعۋى ابدەن مۇمكىن دەپ وتىر.

«مەنىڭ بالامنىڭ بىردە بىلەگى, تىزەسى, ودان سوڭ جامباسى مەن ارقاسى كوگەرىپ كەلدى. بىراق تاربيەشىلەر بالانىڭ ءوزى قۇلادى دەپ ءجۇردى. ءبىز مىنا جاعدايدان كەيىن وعان سەنبەيمىز. مۇمكىن وزدەرى ۇرعان شىعار. ونىڭ ۇستىنە تەك ءبىز ءبىر عانا ۆيدەونى كورىپ وتىرمىز. ءتىپتى دۇرىس تاماق بەرمەگەندىكتەن بالالارىمىز ۇيگە اش بولىپ كەلەدى”, – دەيدى قىزىلوردا قالاسىنىڭ تۇرعىنى دينارا قاليەۆا.

اتا-انالار بالالارعا استىڭ تىم از مولشەردە بەرىلەتىنىن دە بەينەكامەراعا جازىلعان ۆيدەودان كورگەن. وندا سەگىز بۇلدىرشىنگە بار-جوعى ءۇش تارەلكا تاماق قويىلىپ, ال تاربيەشىلەردىڭ تەلەفونعا تەلمىرىپ وتىرعانىن كورگەن. ال بالاباقشا باسشىسى قىزمەتكەردىڭ 5 جاسار اليحانعا كۇش كورسەتكەنىن راستاعانىمەن, اس ءمازىرى تالاپقا ساي دەپ اقتالادى.

«نەگىزى وسىنداي جاعداي ءبىرىنشى رەت بولىپ جاتىر. ءبىز قالاي بىلدىك, بۇكىل ورگاندارعا كامەرانىڭ جازبالارىن ۇسىندىق. ءبىزدىڭ تارابىمىزدان بارلىعى ادال جاسالدى. ول ۆيدەودا ستولدىڭ ۇستىندە قاسىقتارى دا جوق, تەك ءۇش تارەلكا تۇر. دەمەك, اتا-انالار  پاتنوسپەن تاسىپ جاتقان كەزىن كورگەن. ءدال سول ءساتتى تولىق كورسەتەيىن دەسەم, جارىق وشىپ قالدى”, – دەيدى “جاس ۇرپاق” كوررەكتسيالىق ورتالىعىنىڭ مەڭگەرۋشىسى راۋشان ءپىرىمجانوۆا.

مەڭگەرۋشى وزگە اتا-انالاردىڭ بالالارىمىزدى ۇردى دەگەن شاعىمىن جوققا شىعارادى. ال اليحانعا كۇش كورسەتكەن تاربيەشى مەن ونىڭ كومەكشىسى جۇمىستان قۋىلعان ەكەن. قازىر پوليتسيا “كامەلەتكە تولماعان بالالاردى تاربيەلەۋ مىندەتتەرىن ورىنداماۋ” بابىمەن ءىس قوزعادى.

ەسكە سالساق, قىزىلوردا وبلىسى جاڭاقورعان اۋدانىنداعى مەملەكەتتىك بالاباقشاعا بارىپ جۇرگەنءتورت جاسار قىزدىڭ قۇلاعى ەستىمەي قالدى. اناسىنىڭ سوزىنشە, ءبىر قۇلاعىنىڭ پەردەسى تاربيەشىنىڭ اۋىر سوققىسىنان جارىلىپ كەتكەن. ءبۇلدىرشىن اناسىنا اپايىنىڭ قالاي ۇرعانىن ءوزى ايتىپ بەرىپتى.