Qyzylordada tárbıeshi aýtızmge shaldyqqan balaǵa qorlyq kórsetken

Vıdeodan skrın

Qyzylordadaǵy jekemenshik “Jas urpaq” balabaqshasynda tárbıeshisi erekshe balaǵa qol kótergen. Tipti aýtızmge shaldyqqan búldirshinge tamaq bermeı, qorlyq kórsetken, dep jazdy

Bul týraly Stan.kzaqparat agenttigi “Informbıýro” baǵdarlamasyna silteme jasap habarlaıdy.

Al basqa ata-analar ortalyqqa baratyn balalarymyzdyń denesi kógerip, bet-aýyzy jara bolyp keledi dep shaǵymdanyp otyr. Aıtýlarynsha qyzmetkerler naýqas balalarǵa kúsh kórsetip, durys tamaqtandyrmaıdy. Qazir shý shyqqan bóbekjaı mamandaryna qatysty polıııa tergeý júrgizip jatyr.

Beınejazba kameralarǵa túsip qalǵan. 5 jasar Álıhan Amanbaı mazasyndanyp, qozǵala bastaıdy. Buǵan ashýlanǵan qyzmetker búldirshindi kóterip alyp jerge tastaı salan. Álıhannyń anasy aýtızmge shaldyqqan balama qatygezdik tanytqan tárbıeshi túk bolmaǵandaı uıyqtap qalǵan dep otyr.

«Kamerany ashqan kezde tárbıeshiniń balany alyp, jerge laqtyrǵanyn kóremin. Artynan taǵy soqqy bergen. Balaǵa eshqandaı kómek kórsetpegen. Tárbıeshiler ári qaraı uıyqtap jatyr. Balanyń muryny qanap jatyr. Ony shalqasynan jatqyzyp, uıyqtatyp tastaǵan. Qan mıǵa ketip qalsa, ólip ketýi de múmkin ǵoı”, – deıdi Qyzylorda qalasynyń turǵyny Ulbolsyn Múslim.

Bul jaǵdaıdan keıin ózge de ata-analar polıııaǵa shaǵym túsirgen. Aıtýlarynsha ártúrli dıagnozy bar basqa búldirshinderdiń de buǵan deıin balabaqshadan deneleri kógerip, tipti biriniń qoly synyp kelgen eken. Sondyqtan ata-analar qatal qyzmetkerler erekshe balalarymyzdy uryp-soǵýy ábden múmkin dep otyr.

«Meniń balamnyń birde bilegi, tizesi, odan soń jambasy men arqasy kógerip keldi. Biraq tárbıeshiler balanyń ózi qulady dep júrdi. Biz myna jaǵdaıdan keıin oǵan senbeımiz. Múmkin ózderi urǵan shyǵar. Onyń ústine tek biz bir ǵana vıdeony kórip otyrmyz. Tipti durys tamaq bermegendikten balalarymyz úıge ash bolyp keledi”, – deıdi Qyzylorda qalasynyń turǵyny Dınara Qalıeva.

Ata-analar balalarǵa astyń tym az mólsherde beriletinin de beınekameraǵa jazylǵan vıdeodan kórgen. Onda segiz búldirshinge bar-joǵy úsh tarelka tamaq qoıylyp, al tárbıeshilerdiń telefonǵa telmirip otyrǵanyn kórgen. Al balabaqsha basshysy qyzmetkerdiń 5 jasar Álıhanǵa kúsh kórsetkenin rastaǵanymen, as máziri talapqa saı dep aqtalady.

«Negizi osyndaı jaǵdaı birinshi ret bolyp jatyr. Biz qalaı bildik, búkil organdarǵa kameranyń jazbalaryn usyndyq. Bizdiń tarabymyzdan barlyǵy adal jasaldy. Ol vıdeoda stoldyń ústinde qasyqtary da joq, tek úsh tarelka tur. Demek, ata-analar  patnospen tasyp jatqan kezin kórgen. Dál sol sátti tolyq kórseteıin desem, jaryq óship qaldy”, – deıdi “Jas urpaq” korrekııalyq ortalyǵynyń meńgerýshisi Raýshan Pirimjanova.

Meńgerýshi ózge ata-analardyń balalarymyzdy urdy degen shaǵymyn joqqa shyǵarady. Al Álıhanǵa kúsh kórsetken tárbıeshi men onyń kómekshisi jumystan qýylǵan eken. Qazir polıııa “kámeletke tolmaǵan balalardy tárbıeleý mindetterin oryndamaý” babymen is qozǵady.

Eske salsaq, Qyzylorda oblysy Jańaqorǵan aýdanyndaǵy memlekettik balabaqshaǵa baryp júrgentórt jasar qyzdyń qulaǵy estimeı qaldy. Anasynyń sózinshe, bir qulaǵynyń perdesi tárbıeshiniń aýyr soqqysynan jarylyp ketken. Búldirshin anasyna apaıynyń qalaı urǵanyn ózi aıtyp beripti.