Qyzylordada tisin emdetken bala múgedek bolyp qalǵan

Foto: Pixabay

Qyzylordada bala tisin emdeımin dep múgedek bolyp qalǵan, dep habarlaıdy Ozgeris.Info.

Istiń mán-jaıyn Joǵarǵy sottaǵylar aıtty. Qyzylordalyq turǵyn balasynyń tisi aýrýyna baılanysty ortalyq qalalyq emhananyń balalar stomatologııasyna barǵan. Tis dárigeri balany emdep, tisin julyp tastaǵan. Kelesi kúni balanyń jaq súıegi isinip, jalpy densaýlyǵy nasharlaı bastaǵan.

Keıin balaǵa oblystyq kópsalaly aýrýhananyń jaq-bet bólimshesindegiler «Sol jaq tómengi jaqtyń jedel irińdi odontogendi flegmonasy, 7,5 tisin julǵandaǵy jaǵdaıy» dıagnozyn qoıǵan. Osylaısha balaǵa eki ret ota jasalǵan.

Arada alty aı ótkende balanyń jaq súıegi qaıtadan isı bastaǵan, irińdi jarasy jazylmaı, olar Almaty qalasynda aqyly negizde hırýrgııalyq aralasý arqyly aýrýhanada emdelýge májbúr bolǵan.

«Medıınalyq jáne farmaevtıkalyq baqylaý departamenti ananyń shaǵymy boıynsha júrgizilgen emhanany tekserý qorytyndysyna sáıkes, emhana tis dárigeri kámeletke tolmaǵan balaǵa medıınalyq kómek kórsetý kezinde klınıkalyq dıagnostıka jáne emdeý hattamalaryn saqtamaǵan. Onyń tisin orta medıınalyq bilimi bar stomatolog alyp tastaǵan, emdeý aldynda jaq súıeginiń rentgenografııasy obektıvti tekserilmeı, asqynýlar – tómengi jaqtyń qabyný proesi bolǵan», – delingen habarlamada.

Balanyń anasy stomatologııalyq emhanadan ózine keltirilgen moraldyq jáne materıaldyq shyǵyndy óteýdi surap, sotqa júgingen. Talap qoıýda ol emhana medıına qyzmetkeriniń salǵyrttyǵynan jáne alǵashqy medıınalyq kómekti durys kórsetpeýinen aýrý asqynyp, bala 2 jylǵa jýyq uıyqtaı almaı, dárigerlerdiń qorytyndysy boıynsha múgedek bolyp qalǵanyn kórsetken.

Sondaı-aq olarǵa aqyly negizde úsh operaııa jasaýǵa, tis emdeýge jáne dárigerlerden keńes alýǵa májbúr bolǵany atap ótilgen. Sot stomatologııalyq emhanadan moraldyq shyǵyn men materıaldyq shyǵyn úshin 1,5 mıllıon teńgeden astam ótemaqy óndirdi.