قىزىلوردادا ءتىسىن جۇلدىرعان ءبۇلدىرشىن مۇگەدەك بولىپ قالعان

فوتو: medtechmarket.ru

قىزىلوردا قالالىق ورتالىق ەمحانا جانىنداعى بالالار ستوماتولوگياسىنا قاتىستى شاعىم تۇسكەن, – دەپ حابارلايدى qandastar.kz

دارىگەردىڭ سالعىرتتىعىنان سوڭ ءبۇلدىرشىننىڭ دەنساۋلىعى سىر بەرگەن. بالانىڭ ءتىسى مەن جاعى قابىنىپ, بىرنەشە وپەراتسيا جاساتىپ, مۇگەدەك بولىپ قالعان. بۇل تۋرالى قر جوعارعى سوت مالىمدەدى.

ارادا التى اي وتكەننەن كەيىن بالانىڭ جاعى قايتادان ءىسىپ, ىرىڭدەپ, اتا-اناسى الماتىعا اپارىپ, اقىلى تۇردە ەمدەتكەن.

«مەديتسينالىق جانە فارماتسەۆتيكالىق باقىلاۋ دەپارتامەنتى اناسىنىڭ شاعىمى بويىنشا ەمحانادا تەكسەرىس جۇرگىزگەن. ەمحاناداعى دانتيست كلينيكالىق دياگنوستيكا حاتتاماسىن ساقتاماعان. بالانىڭ ءتىسىن ستوماتولوگتىڭ اسسيستەندى, مەديتسينالىق ورتا ءبىلىمدى مامان جۇلعان. ەم الدىندا رەنتگەنوگرافيالىق تەكسەرۋ جۇرگىزىلمەگەن. تومەنگى جاعى قابىنعان»-دەلىنگەن ءباسپاسوز حابارلاماسىندا.

بالانىڭ اناسى ستوماتولوگيالىق كلينيكادان مورالدىق, ماتەريالدىق وتەماقى ءوندىرۋ ءۇشىن سوتقا ارىز تۇسىرگەن. سوت كلينيكادان 1,5 ملن تەڭگە وتەماقى ءوندىرۋ تۋرالى ۇكىم شىعاردى.