جاڭالىقتار
قىزىلوردادا توبەلەستىڭ سالدارىنان 9-سىنىپ وقۋشىسى قازا بولدى
فوتو:
وقيعا فاكتىسى بويىنشا سوتقا دەيىنگى تەرگەۋ باستالدى.
قىزىلوردا وبلىسىندا جاسوسپىرىمدەردىڭ توبەلەسى ادام ولىمىنە سەبەپ بولدى. 17 جاستاعى ءجاسوسپىرىم توعىزىنشى سىنىپ وقۋشىسىن سوققىعا جىعىپ, سالدارىنان وقۋشى كوز جۇمعان, دەپ جازدى qandastar.kz
Nege.kz مالىمەتىنشە, وبلىستىق پوليتسيا دەپارتامەنتىنىڭ ءباسپاسوز قىزمەتى كامەلەتكە تولماعان بالانىڭ قازا تاپقانى تۋرالى اقپاراتتى راستادى.
وقيعا فاكتىسى بويىنشا سوتقا دەيىنگى تەرگەۋ باستالدى. قازىرگى ۋاقىتتا قاجەتتى تەرگەۋ ارەكەتتەرى جۇرگىزىلىپ, پوليتسيا بارلىق ماتەريالداردى زەرتتەپ جاتىر. كۇدىكتى ۋاقىتشا ۇستاۋ يزولياتورىنا قامالدى. وسى قىلمىسقا قاتىسى بار باسقا ەكى ادامعا قاتىستى بۇزاقىلىق فاكتىسى بويىنشا قىلمىستىق ءىس قوزعالدى, ولارعا قاتىستى سوت ءۇي قاماعىنا الۋ تۇرىندەگى بۇلتارتپاۋ شاراسىن تاڭدادى, – دەلىنگەن ۆەدومستۆو مالىمەتىندە.
