Qyzylordada turǵyn úıde gaz jarylyp, tórt jasóspirim aýrýhanaǵa jetkizildi

Foto: Qyzylorda TJD

Qyzylordada gaz jarylýy saldarynan jeke turǵyn úı qırap qaldy. Tórt jasóspirim jaraqat alyp, jansaqtaý bólimine jetkizildi, dep habarlaıdy Qandastar.kz.

Vedomstvo málimetinshe, 28 shildede saǵat 19-dan 56 mınýt ótkende Qyzylorda qalasynyń ál-Farabı shaǵyn aýdanynda jeke turǵyn úıde gaz jarylyp, turǵyn úı qıraǵan. О́rt bolmaǵan.

«4 jasóspirim zardap shekti. Qazirgi tańda olar balalar aýrýhanasynyń jansaqtaý bóliminde em sharalaryn alýda», – delingen oblystyq Tótenshe jaǵdaılar departamentiniń habarlamasynda.

TJD ókilderi ata-analarǵa balalar men jasóspirimderdi eresekterdiń baqylaýynsyz qaldyrmaýdy eskertti.

«Balalarǵa únemi otbasynda qaýipsizdik qaǵıdasyn qatań saqtaýdy nasıhattańyzdar! Ásirese, elektr, gaz qondyrǵylaryn paıdalanýda qaýipsizdik erejesin saqtaýdy túsindirińizder», – dedi mamandar.