Qyzylordada joǵalyp ketken dárigerdiń denesi tabyldy

Foto: «Qyzylorda eriktileri» qoǵamdyq qory

Qyzylordada eki kún buryn joǵalyp ketken er adam ókinishke oraı, óli kúıinde tabyldy, dep habarlaıdy Qandastar.kz. 

Eriktiler buǵan deıin 20 shildede joǵalyp ketken 25 jastaǵy er adamǵa izdeý jarııalaǵan bolatyn.

Onda qyzylordalyq er adam jumystan shyqqannan keıin, úıine oralmaǵany aıtylǵan. Ol oblystyq kópsalaly aýrýhanada jumys istegen.

– TJD, PD qyzmetkerleriniń, Abylaıhannyń týystarynyń jáne ózge de erikti azamattardyń kúshimen izdeý jumystary júrgizildi. О́kinishke qaraı, úmit aqtalmady, ol óli kúıinde tabyldy. Imandy bolsyn. Jas jigittiń neden qaıtys bolǵany ázirge belgisiz. Dostar, Abylaıhandy izdeýge beı-jaı qaramaı, at salysqandaryńyzǵa rahmet, – dep jazdy «Qyzylorda eriktileri» qoǵamdyq qorynyń atqarýshy dırektory Olga Chebakova Facebook paraqshasynda.

Oblystyq polıııa departamentiniń baspasóz qyzmeti joǵalǵan jas jigitti izdeýge eki kún ishinde PD, polıııa basqarmasy, TJD jeke quramy, eriktiler men jergilikti turǵyndar tartylǵanyn atap ótip, jas jigittiń qaza tapqany týraly aqparatty rastady. Alaıda qaıdan, qalaı tabylǵany jazylmaǵan.

– 23 shildede joǵalǵan adamnyń denesi tabyldy. Bul fakt sotqa deıingi tergep-tekserýlerdiń biryńǵaı tiziliminde tirkelgen. Er adamnyń óliminiń naqty sebebin anyqtaý maqsatynda qajetti sot-medıınalyq saraptama taǵaıyndaldy jáne osy saraptamanyń qorytyndysyn kútip otyrmyz. Tulǵa anyqtaldy. Tergeý áreketteri jalǵasady. Aımaq polıııasy marqumnyń jaqyndary men týystaryna shyn júrekten kóńil aıtady, – dep habarlady vedomstvonyń baspasóz qyzmeti.