جاڭالىقتار
قىزىلوردادا جىنىستىق قۇلدىقتا بولعان قىز ءىسى: سوت ۇكىمى شىقتى
فوتو: Pixabay.com
قىزىلوردا وبلىسىنىڭ كامەلەتكە تولماعانداردىڭ ىستەرى جونىندەگى مامانداندىرىلعان اۋدانارالىق سوتىندا ادامدار توبىنا, ونىڭ ىشىندە كامەلەتكە تولماعاندارعا قاتىستى اۋىر قىلمىستار بويىنشا ءىس قارالدى, دەپ حابارلايدى qandastar.kz
ءىس قانداي باپتار بويىنشا قوزعالدى?
سوتتالۋشىلارعا قر قىلمىستىق كودەكسىنىڭ بىرنەشە بابى بويىنشا ايىپ تاعىلدى:
• 194-باپ – ءىرى مولشەردە پايدا تابۋ ماقساتىندا قورقىتىپ الۋشىلىق;
• 110-باپ – كامەلەتكە تولماعان ادامعا قاتىستى ازاپتاۋ;
• 134-باپ – كامەلەتكە تولماعاندى جەزوكشەلىكپەن اينالىسۋعا تارتۋ.
قر قىلمىستىق-پروتسەستىك كودەكسىنىڭ 29-بابىنا سايكەس, ءىس جابىق سوت وتىرىسىندا قارالدى. سوتتالۋشىلاردىڭ كىناسى قالاي دالەلدەندى.
ءىس بارىسىندا سوتتالۋشىلاردىڭ كىناسى مىناداي دالەلدەرمەن راستالدى:
— وقيعا ورنىن قاراۋ حاتتامالارى; — بەينەجازبالار; — WhatsApp ارقىلى جىبەرىلگەن حات-حابارلار;
— بانكتىك شوتتار بويىنشا ءۇزىندى كوشىرمەلەر;
— ساراپتاما قورىتىندىلارى; — جابىرلەنۋشىنىڭ جاۋابى.
پروكۋرور قانداي جازا سۇرادى?
Skifnews.kz جازعانداي, مەملەكەتتىك ايىپتاۋشى سوتتالۋشىلاردى كىنالى دەپ تانىپ, كەلەسىدەي جازا تاعايىنداۋدى سۇرادى:
• م.ن., ا.ج., ق.د. – 6 جىل 8 اي باس بوستاندىعىنان ايىرۋ;
• ب.ا. – 4 جىل 6 اي باس بوستاندىعىنان ايىرۋ;
• ت.ۇ. جانە ق.ا. – 4 جىل باس بوستاندىعىنان ايىرۋ;
• ت.ا., ب.ا. جانە ت.د. – 8 جىل باس بوستاندىعىنان ايىرۋ.
سوت شەشىمى قانداي بولدى?
جازا تاعايىنداۋ كەزىندە سوت بىرنەشە جەڭىلدەتەتىن ءمان-جايلاردى ەسكەردى:
— م.ن., ا.ج., ق.د., ب.ا. – كامەلەتكە تولماعاندار;
— ت.ۇ. جانە ق.ا. – جاساعان ىستەرىنە شىن جۇرەكتەن وكىنگەن.
اۋىرلاتاتىن ءمان-جايلار انىقتالعان جوق. قر قك-ءنىڭ 55-بابىنا سايكەس, مۇنداي جاعدايدا جازا مەرزىمى باپتا كورسەتىلگەن ەڭ جوعارى مەرزىمنىڭ ۇشتەن ەكىسىنەن اسپاۋى ءتيىس.
سوت ۇكىمى:
• م.ن., ا.ج., ق.د. – 134-باپتىڭ 3-بولىگى 1),2)-تارماقتارى, 194-باپتىڭ 3-تارماعى 2)-تارماقشاسى, 110-باپتىڭ 2-تارماعى 1)-تارماقشاسى بويىنشا كىنالى دەپ تانىلىپ, 6 جىل 8 اي باس بوستاندىعىنان ايىرۋ جازاسى تاعايىندالدى.
• ب.ا. – 194-باپتىڭ 2-بولىگىنىڭ 2)-تارماقشاسى بويىنشا كىنالى دەپ تانىلىپ, 4 جىل 8 اي باس بوستاندىعىنان ايىرۋ جازاسىنا كەسىلدى. بۇل ۇكىم زاڭدى كۇشىنە ەنگەن جوق.
• ت.ۇ. جانە ق.ا. قك-ءنىڭ 28-بابى 5-بولىگى, 194-بابى 2-بولىگى 1),2)-تارماقشالارى بويىنشا كىنالى دەپ تانىلىپ, ارقايسىسىنا 4 جىل 8 اي باس بوستاندىعىنان ايىرۋ جازاسى كەسىلدى.
• ت.ا., ب.ا. جانە ت.د. قك-ءنىڭ 134-بابى 3-بولىگى 1)-تارماعى جانە 194-بابى 2-بولىگى 2-تارماعى بويىنشا كىنالى دەپ تانىلىپ, ارقايسىسىنا 7 جىل 6 اي باس بوستاندىعىنان ايىرۋ جازاسى تاعايىندالدى. ۇكىم ءالى زاڭدى كۇشىنە ەنگەن جوق.
