Qyzylordada jynystyq quldyqta bolǵan qyz isi: Sot úkimi shyqty

Foto: Pixabay.com

Qyzylorda oblysynyń Kámeletke tolmaǵandardyń isteri jónindegi mamandandyrylǵan aýdanaralyq sotynda adamdar tobyna, onyń ishinde kámeletke tolmaǵandarǵa qatysty aýyr qylmystar boıynsha is qaraldy, dep habarlaıdy qandastar.kz

Is qandaı baptar boıynsha qozǵaldy?

Sottalýshylarǵa QR Qylmystyq kodeksiniń birneshe baby boıynsha aıyp taǵyldy:

• 194-bap – iri mólsherde paıda tabý maqsatynda qorqytyp alýshylyq;

• 110-bap – kámeletke tolmaǵan adamǵa qatysty azaptaý;

• 134-bap – kámeletke tolmaǵandy jezókshelikpen aınalysýǵa tartý.

QR Qylmystyq-proestik kodeksiniń 29-babyna sáıkes, is jabyq sot otyrysynda qaraldy. Sottalýshylardyń kinási qalaı dáleldendi.

Is barysynda sottalýshylardyń kinási mynadaı dáleldermen rastaldy:

— oqıǵa ornyn qaraý hattamalary; — beınejazbalar; — WhatsApp arqyly jiberilgen hat-habarlar;

— banktik shottar boıynsha úzindi kóshirmeler;

— saraptama qorytyndylary; — jábirlenýshiniń jaýaby.

Prokýror qandaı jaza surady?

Skifnews.kz jazǵandaı,   memlekettik aıyptaýshy sottalýshylardy kináli dep tanyp, kelesideı jaza taǵaıyndaýdy surady:

• M.N., A.J., Q.D. – 6 jyl 8 aı bas bostandyǵynan aıyrý;

• B.A. – 4 jyl 6 aı bas bostandyǵynan aıyrý;

• T.U. jáne Q.A. – 4 jyl bas bostandyǵynan aıyrý;

• T.A., B.A. jáne T.D. – 8 jyl bas bostandyǵynan aıyrý.

Sot sheshimi qandaı boldy?

Jaza taǵaıyndaý kezinde sot birneshe jeńildetetin mán-jaılardy eskerdi:

— M.N., A.J., Q.D., B.A. – kámeletke tolmaǵandar;

— T.U. jáne Q.A. – jasaǵan isterine shyn júrekten ókingen.

Aýyrlatatyn mán-jaılar anyqtalǵan joq. QR QK-niń 55-babyna sáıkes, mundaı jaǵdaıda jaza merzimi bapta kórsetilgen eń joǵary merzimniń úshten ekisinen aspaýy tıis.

Sot úkimi:

• M.N., A.J., Q.D. – 134-baptyń 3-bóligi 1),2)-tarmaqtary, 194-baptyń 3-tarmaǵy 2)-tarmaqshasy, 110-baptyń 2-tarmaǵy 1)-tarmaqshasy boıynsha kináli dep tanylyp, 6 jyl 8 aı bas bostandyǵynan aıyrý jazasy taǵaıyndaldy.

• B.A. – 194-baptyń 2-bóliginiń 2)-tarmaqshasy boıynsha kináli dep tanylyp, 4 jyl 8 aı bas bostandyǵynan aıyrý jazasyna kesildi. Bul úkim zańdy kúshine engen joq.

• T.U. jáne Q.A. QK-niń 28-baby 5-bóligi, 194-baby 2-bóligi 1),2)-tarmaqshalary boıynsha kináli dep tanylyp, árqaısysyna 4 jyl 8 aı bas bostandyǵynan aıyrý jazasy kesildi.

• T.A., B.A. jáne T.D. QK-niń 134-baby 3-bóligi 1)-tarmaǵy jáne 194-baby 2-bóligi 2-tarmaǵy boıynsha kináli dep tanylyp, árqaısysyna 7 jyl 6 aı bas bostandyǵynan aıyrý jazasy taǵaıyndaldy. Úkim áli zańdy kúshine engen joq.