قىزىلوردادا جىنىستىق قۇلدىقتا بولعان وقۋشى قىزدىڭ ىسىنە قاتىستى جاڭا دەرەك شىقتى

فوتو: اشىق دەرەككوز

قىزىلوردادا 16 جاسار قىزدىڭ سەكسۋالدى قۇلدىقتا بولعانى تۋرالى اتىشۋلى ىسكە قاتىستى جاڭا دەرەكتەر ايتىلدى, دەپ جازادى qandastar.kz  Orda.kz سايتىنا سىلتەمە جاساپ.

نەمولچيKZ قورىنىڭ جەتەكشىسى دينا ءتاڭسارىنىڭ ايتۋىنشا, «ادام ساۋداسىنا قارسى تۇرۋ تۋرالى» زاڭ 5 قىركۇيەكتە كۇشىنە ەندى. بۇل زاڭعا سايكەس, كامەلەتكە تولماعان قىز بالانىڭ «قىزمەتىن ساتىپ العان» 217 ەر ادامدى جاۋاپقا تارتۋعا بولار ەدى. بىراق قىزبەن بولعان بۇل وقيعا 5 تامىزدا انىقتالدى, ال 6 تامىزدا شاعىم بەرىلدى. سوندىقتان, بۇل ادامداردى ەشكىم جاۋاپقا تارتا المايدى. سونىمەن قاتار, قىزدىڭ وتباسى قالادا قالا المايدى. 200-دەن استام ەر ادام مەن ولاردىڭ وتباسىلارى قىزدىڭ وتباسىن قۋدالاۋى مۇمكىن.

«سەبەبى ولاردى شاقىردى, كەيبىرەۋلەرىن جۇمىس ورنىنان تاپتى, جاريالادى, كەيبىرەۋلەرىن جۇمىستان شىعاردى, كەيبىرەۋلەرىن جازالادى. ولاردىڭ ويىنشا, بۇل قىلمىستىڭ سەبەبى ولاردىڭ قۇمارلىعى نەمەسە اقى تولەپ زورلىق-زومبىلىق جاساۋعا بەيىمدىلىك ەمەس, بۇل —  قىزدىڭ وزىنە قاتىستى. ولار مەكتەپتەردە, اكىمشىلىكتە, مەملەكەتتىك مەكەمەلەردە, اۋرۋحانالاردا جۇمىس ىستەيدى», – دەپ جازدى ءتاڭسارى.

ەسكە سالساق, 16 جاسار مەكتەپ وقۋشىسى سىنىپتاستارىنىڭ سەكسۋالدى ق ۇلىقتىعىندا سەگىز اي بولعان. بۇل وقيعا كەزدەيسوق انىقتالدى: پوليتسيا رەيد كەزىندە قىزدى قالاداعى ساۋنالاردىڭ بىرىنەن تاپتى.