قىزىلورداداعى مەكتەپتە توتەنشە جاعداي: جەدەل تۇردە اۋرۋحاناعا 20 وقۋشى جەتكىزىلدى

قىزىلورداداعى مەكتەپتە وقۋشى بۇرىش سپرەيىن شاشىپ, 20-دان استام وقۋشى وبلىستىق بالالار اۋرۋحاناسىنا جەتكىزىلدi, دەپ حابارلايدى qandastar.kz KYN.KZ اقپارات اگەنتتىگى.

وقيعا 3 قازان كۇنى وبلىس ورتالىعىنداعى مەكتەپتەردىڭ بىرىندە بولعان. وبلىستىق پوليتسيا دەپارتامەنتىنىڭ ءباسپاسوز قىزمەتىنىڭ حابارلاۋىنشا, قىزىلوردا قالاسىنداعى مەكتەپتەردىڭ بىرىندە وقۋشى بۇرىش سپرەيىن شاشقان.

«قىزىلوردا قالاسىنداعى ورتا مەكتەپتە بۇرىش سپرەيىن قولدانۋ دەرەگى بويىنشا قىلمىستىق ءىس قوزعالدى. وقيعانىڭ ءمان-جايى انىقتالۋدا», – دەدى پوليتسيا.

№9 ورتا مەكتەپتىڭ زارداپ شەككەن وقۋشىسىنىڭ ءبىرى 12 جاسار ديمانىڭ ايتۋىنشا, وقيعا ساعات 17:00-دە اعىلشىن ءتىلى ساباعى باستالعان ۋاقىتتا بولعان.

«باسىندا نە بولعانىن تۇسىنبەدىم, بارلىق بالا سىنىپتان سىرتقا شىعا باستادى. گازدىڭ ءيىسىن سەزدىم. ءبىر كەزدە باسىم اينالىپ, اۋىرىپ قالدىم. سودان كەيىن مەنى جەدەل جاردەممەن الىپ كەتتى. مەكتەپتىڭ 3-قاباتىنداعى دارەتحاناعا ەكى بالا بۇرىش سەپكەنىن كەيىنىرەك ءبىلدىم», – دەيدى وقۋشى.

وبلىستىق كوپسالالى بالالار اۋرۋحاناسىنا 7 مەن 12 جاس ارالىعىنداعى 20-دان استام بالا تۇسكەن. ولاردىڭ بارلىعى ءىشتىڭ اۋىرسىنۋى, جۇرەك اينۋىنا, تاماق اۋرۋى مەن اۋىزدان جاعىمسىز يىسكە شاعىمدانعان.

«بالالار بىزگە 3 قازان كۇنى ساعات 16:00-دەن باستاپ كەلە باستادى. ونىڭ ىشىندە زارداپ شەككەن بەس ادامنىڭ جاعدايى تۇراقتى جانە اۋىر بولعاندىقتان, ولارعا بەلگىسىز زاتتان ۋلانۋ دياگنوزى قويىلىپ, توكسيكولوگيا بولىمىنە جاتقىزىلدى. قالعان زارداپ شەككەن بالالار مەديتسينالىق كومەك العاننان كەيىن مەكەمەدە دارىگەرلەردىڭ باقىلاۋىندا قالدى, كەيىن ۇيلەرىنە جىبەرىلدى», – دەيدى پەدياتر ايدانا بايسارا.