Qyzylordadaǵy mektepte tótenshe jaǵdaı: jedel túrde aýrýhanaǵa 20 oqýshy jetkizildi

Qyzylordadaǵy mektepte oqýshy burysh spreıin shashyp, 20-dan astam oqýshy oblystyq balalar aýrýhanasyna jetkizildi, dep habarlaıdy qandastar.kz KYN.KZ aqparat agenttigi.

Oqıǵa 3 qazan kúni oblys ortalyǵyndaǵy mektepterdiń birinde bolǵan. Oblystyq polıııa departamentiniń baspasóz qyzmetiniń habarlaýynsha, Qyzylorda qalasyndaǵy mektepterdiń birinde oqýshy burysh spreıin shashqan.

«Qyzylorda qalasyndaǵy orta mektepte burysh spreıin qoldaný deregi boıynsha qylmystyq is qozǵaldy. Oqıǵanyń mán-jaıy anyqtalýda», – dedi polıııa.

№9 orta mekteptiń zardap shekken oqýshysynyń biri 12 jasar Dımanyń aıtýynsha, oqıǵa saǵat 17:00-de aǵylshyn tili sabaǵy bastalǵan ýaqytta bolǵan.

«Basynda ne bolǵanyn túsinbedim, barlyq bala synyptan syrtqa shyǵa bastady. Gazdyń ıisin sezdim. Bir kezde basym aınalyp, aýyryp qaldym. Sodan keıin meni jedel járdemmen alyp ketti. Mekteptiń 3-qabatyndaǵy dárethanaǵa eki bala burysh sepkenin keıinirek bildim», – deıdi oqýshy.

Oblystyq kópsalaly balalar aýrýhanasyna 7 men 12 jas aralyǵyndaǵy 20-dan astam bala túsken. Olardyń barlyǵy ishtiń aýyrsynýy, júrek aınýyna, tamaq aýrýy men aýyzdan jaǵymsyz ıiske shaǵymdanǵan.

«Balalar bizge 3 qazan kúni saǵat 16:00-den bastap kele bastady. Onyń ishinde zardap shekken bes adamnyń jaǵdaıy turaqty jáne aýyr bolǵandyqtan, olarǵa belgisiz zattan ýlaný dıagnozy qoıylyp, toksıkologııa bólimine jatqyzyldy. Qalǵan zardap shekken balalar medıınalyq kómek alǵannan keıin mekemede dárigerlerdiń baqylaýynda qaldy, keıin úılerine jiberildi», – deıdi pedıatr Aıdana Baısara.