«قىزىلورداعا ءبىر ەركەككە كەتىپ قالعان»: تۇركىستاندىقتى وزىنەن 23 جاس كىشى ايەلى بەس بالاسىمەن بىرگە تاستاپ كەتكەن

تۇركىستان وبلىسى, اباي اۋىلىنىڭ تۇرعىنىن ايەلى 5 بالاسىن تاستاپ, كەتىپ قالعان. كەنجە بالاسى نەبارى ءۇش جاستا, دەپ حابارلايدى qandastar.kz KYN.KZ اقپارات اگەنتتىگىنە سىلتەمە جاساپ.

ساپاربەك ەرماحامبەتوۆتىڭ «استارلى اقيقات» باعدارلاماسىنان ايەل تاۋىپ بەرۋگە كومەك سۇراپ كەلگەن. 18 شىلدە كۇنى ۇيىنەن شىعىپ كەتكەن ءنازيپا سول بويى ورالماعان. ەرلى-زايىپتى 2006 جىلى وتاسقان. ەكەۋىنىڭ جاس ايىرماشىلىعى  23 جىل, ورتادا بەس بالا بار. ساپاربەكتىڭ ايتۋىنشا, ايەلى قىزىلوردادا تۇراتىن 5 بالاسى بار, ۇيلەنگەن ەركەككە كەتىپ قالعان كورىنەدى.

«ايەلىم كۇيەۋىنەن اجىراسقان. ەگىز بالاسى بولعان. بىرەۋى كىشكەنتاي كەزىندە شەتىنەپ كەتكەن. ال بىرەۋى ۇيگە كەلگەننەن كەيىن قايتىس بوپ كەتتى. ونىڭ الدىندا ۇيلەنگەنمىن, بالالارىم بار. مەن دالادا كوپ جۇرەمىن. ۇيگە دەمالىسقا 2-3 كۇنگە كەلەمىن. ءبىر جاققا شىقسا بالالارعا ايتپا دەپ قورقىتىپ قويادى ەكەن. ول قىزىلورداعا بارىپ كەلگەن. سول جاقتا ايەلى بار ەركەكپەن كەزدەسكەن. سوعان كەتىپ قالعان دەگەن اڭگىمە بار», – دەيدى ەر ادام.

ساپاربەك بالالارىنىڭ اناسىز ءوسىپ جاتقانىنا كوڭىلى قىنجىلاتىنىن ايتادى. ەندىگىدە ول ايەلىنەن بالالارى ءۇشىن اليمەنت وندىرگىسى كەلەدى.  ۇلكەن قىزى كوللەدجدە, ال قالعان بالالارى مەكتەپتە وقيدى. ال كىشىسى بالاباقشاعا بارادى.

ءنازيپا ومىربەكوۆا بالاباقشادا تاربيەشىنىڭ كومەكشىسى بولىپ جۇمىس ىستەگەن. الايدا ىسىنە نەمقۇرايلى قاراعان سوڭ ونى باسشىلىق جۇمىستان شىعارىپ جىبەرگەن ەكەن. ايەلدىڭ ۇلكەن قىزى ۇلبولسىن باۋىرلارىنىڭ اناسىن ىزدەپ ساعىناتىنىن ايتادى.

«انام بۇرىن دا ۇيدەن ءجيى شىعىپ كەتەتىن. 2-3 كۇنگە كەتىپ قالادى. سوتتالعان ءىنىسى بار, سوعان بارامىن دەيتىن. اكەم مەن انامنىڭ ءبىر-بىرىنە دەگەن سىيلاستىعى جوق. ماعان كەتكەندە «جۇمىس ىستەيمىن, اقشا الىپ بارامىن» دەپ ايتاتىن. شىمكەنتتە جۇمىس ىستەپ جۇرگەن. انامنىڭ تەلەفونمەن سويلەسەتىن. ونىڭ ءنومىرىن الىپ, حابارلاسىپ كوردىم. بىراق ول «اناڭمەن سويلەسپەگەنىمە كوپ بولدى» دەپ ايتتى. سودان كەيىن ءنومىرىن ءوشىرىپ تاستاعان. ونى تيكتوك-تان دا تاۋىپ الدىم. بىراق مەنى ول جەردە بلوكقا قويدى», – دەيدى قىزى. .

ۇلىنىڭ ايتۋىنشا, مەكتەپتە ولاردى «سەنى تاستاپ كەتكەن» دەپ مازاق قىلاتىن كورىنەدى.