«Qyzylordaǵa bir erkekke ketip qalǵan»: túrkistandyqty ózinen 23 jas kishi áıeli bes balasymen birge tastap ketken

Túrkistan oblysy, Abaı aýylynyń turǵynyn áıeli 5 balasyn tastap, ketip qalǵan. Kenje balasy nebári úsh jasta, dep habarlaıdy qandastar.kz KYN.KZ aqparat agenttigine silteme jasap.

Saparbek Ermahambetovtyń «Astarly aqıqat» baǵdarlamasynan áıel taýyp berýge kómek surap kelgen. 18 shilde kúni úıinen shyǵyp ketken Názıpa sol boıy oralmaǵan. Erli-zaıypty 2006 jyly otasqan. Ekeýiniń jas aıyrmashylyǵy  23 jyl, ortada bes bala bar. Saparbektiń aıtýynsha, áıeli Qyzylordada turatyn 5 balasy bar, úılengen erkekke ketip qalǵan kórinedi.

«Áıelim kúıeýinen ajyrasqan. Egiz balasy bolǵan. Bireýi kishkentaı kezinde shetinep ketken. Al bireýi úıge kelgennen keıin qaıtys bop ketti. Onyń aldynda úılengenmin, balalarym bar. Men dalada kóp júremin. Úıge demalysqa 2-3 kúnge kelemin. Bir jaqqa shyqsa balalarǵa aıtpa dep qorqytyp qoıady eken. Ol Qyzylordaǵa baryp kelgen. Sol jaqta áıeli bar erkekpen kezdesken. Soǵan ketip qalǵan degen áńgime bar», – deıdi er adam.

Saparbek balalarynyń anasyz ósip jatqanyna kóńili qynjylatynyn aıtady. Endigide ol áıelinen balalary úshin alıment óndirgisi keledi.  Úlken qyzy kolledjde, al qalǵan balalary mektepte oqıdy. Al kishisi balabaqshaǵa barady.

Názıpa О́mirbekova balabaqshada tárbıeshiniń kómekshisi bolyp jumys istegen. Alaıda isine nemquraıly qaraǵan soń ony basshylyq jumystan shyǵaryp jibergen eken. Áıeldiń úlken qyzy Ulbolsyn baýyrlarynyń anasyn izdep saǵynatynyn aıtady.

«Anam buryn da úıden jıi shyǵyp ketetin. 2-3 kúnge ketip qalady. Sottalǵan inisi bar, soǵan baramyn deıtin. Ákem men anamnyń bir-birine degen syılastyǵy joq. Maǵan ketkende «jumys isteımin, aqsha alyp baramyn» dep aıtatyn. Shymkentte jumys istep júrgen. Anamnyń telefonmen sóılesetin. Onyń nómirin alyp, habarlasyp kórdim. Biraq ol «anańmen sóılespegenime kóp boldy» dep aıtty. Sodan keıin nómirin óshirip tastaǵan. Ony tıktok-tan da taýyp aldym. Biraq meni ol jerde blokqa qoıdy», – deıdi qyzy. .

Ulynyń aıtýynsha, mektepte olardy «seni tastap ketken» dep mazaq qylatyn kórinedi.