Qyzylordalyq dárigerler naýqastan úlken jatyr mıomasyn alyp tastady

Foto: Qyzylorda oblysy perınataldyq ortalyǵy

Qyzylorda oblysynyń 48 jastaǵy turǵynynda 18 sm-den úlken mıomatozdy túıin emhanada skrınıng ótý barysynda ýltradybystyq zertteýi kezinde tabyldy, dep habarlaıdy Qandastar.kz.

Áıeldi birneshe aıǵa sozylǵan ósip kele jatqan ish pen tartylǵan aýyrsynýǵa shaǵymdanǵannan keıin dárigerler tekserýge jiberdi. «Jatyrdyń úlken túıindik mıomasy» dıagnozynan keıin naýqas josparly túrde oblystyq perınataldyq ortalyǵynyń gınekologııa bólimine jiberildi.

«Jatyr moıny mıomasy 18 sm boldy, jatyrdyń ózi júktiliktiń 18-19 aptasyna sáıkes keldi. Naýqasqa bir jarym saǵatqa sozylǵan laparotamııa otasy jasaldy. Naýqas qazir ózin jaqsy sezinip, búgin úıine shyǵaryldy. Turǵylyqty jeri boıynsha emhanada gınekologtyń qabyldaýyna kelip, jaqsy qalypqa keletin bolady», – dedi gınekologııa bóliminiń meńgerýshisi Azız Qurbanbaev.

Laporotamııa otasyn bilikti dárigerler quramy ota blogy bar qabyldaý bóliminiń meńgerýshisi Kım Alekseı jáne gınekologııa bóliminiń meńgerýshisi Azız Qurbanbaev jasady. Otadan keıin naýqas gınekologııa bóliminde dárigerlerdiń baqylaýynda boldy. 2024 jyldyń basynan bastap oblystyq perınataldyq ortalyǵynyń gınekologııa bólimshesinde ártúrli mólsherdegi mıomany joıý boıynsha 15-ke jýyq operaııa júrgizildi.

«Kóbinese mıoma ózin kórsetpeıdi jáne ony tek ýltradybystyq zertteýde jáne ol úlken mólsherge deıin ósken kezde anyqtaıdy. 4 sm-den bastap barlyq túıinder hırýrgııalyq aralasýdyń kórsetkishi bolyp tabylady jáne 4 sm – den az klınıkalyq kórinisteri – qan ketý, aýyrsyný, júktiliktiń bolmaýy mıoma fonynda túsik túsirý. Túıin 4 sm – den 6-7 sm-ge deıin bolǵan kezde operaııa jasaý ońtaıly, qaýipter az jáne qalpyna keltirý ońaıyraq», – deıdi Azız Qurbanbaev.

Jatyr mıomasyn joıý boıynsha operaııalar jáne olarǵa daıyndyq MÁMS sheńberinde júrgiziledi-saqtandyrylǵan paıentter úshin tegin.