Qyzylordalyq oqýshy qatarlasyn soqqyǵa jyqqan

Foto: ashyq derekkóz

Qyzylordada mektep oqýshysy synyptasyn uryp, densaýlyǵyna orta zııan keltirgen, dep habarlaıdy qandastar.kz. 

Oqýshy qatarlasyn ájethanaǵa kirgizip urǵan. Onyń ata-anasyna qatysty ákimshilik jaza taǵaıyndaldy.

«Ákimshilik quqyq buzýshylyq týraly hattamaǵa sáıkes, azamatsha A-nyń tárbıesindegi kámeletke tolmaǵan  balasy N besinshi sabaq bitken soń kámeletke tolmaǵan qatarlasy M-ny ájethana ishinde oń jaq bet tusynan urǵan. Kámeletke tolmaǵan M-ǵa sot medıınalyq saraptama taǵaıyndalyp, oǵan densaýlyǵyna orta deńgeıdegi zııan keltirilgeni anyqtaldy”, – delingen habarlamada.

Oqýshynyń ata-anasy ákimshilik quqyq buzýshylyq týraly hattamamen kelisetinin, balasynyń áreketine ókinetinin bildirip, jeńil jaza qoldanýdy surady. Sot ákimshilik quqyq buzýshylyq týraly kodeksiniń 127-babynyń 3-bóligimen kináli dep tanyp, onyń ata-anasyna 55048 teńge kóleminde aıyppul saldy.