Qyzylordalyq turǵyn aıaldamada qazaq tilinde aqparat bolmaǵany úshin sottasyp, jeńip shyqty

Foto: syrboyi.kz

Qyzylorda turǵyny mamandandyrylǵan aýdanaralyq ákimshilik sotyna aıaldamalardaǵy aqparattyq stendterde memlekettik tildegi málimetter bolmaǵanyna aryzdandy, dep habarlaıdy  qandastar.kz  Skifnews.kz aqparat portalyna silteme jasap.

Sot avtobýs aıaldamalaryndaǵy aqparattardy memlekettik tilde ornatýdy mindettedi

Qala turǵyny A. avtobýs aıaldamalaryndaǵy aqparattardy memlekettik tilde jazýdy mindetteýdi surap, Qyzylorda qalasynyń mamandandyrylǵan aýdanaralyq ákimshilik sotyna júgingen.

«Talap qoıýshy óziniń talap qoıýynda birneshe márte ókiletti organdarǵa júginip, aıaldamalardaǵy aqparattardy memlekettik tilde jazý kerektigin aıtqanyn, alaıda, eshqandaı nátıje bolmaǵanyn, sodan sotqa júginýge májbúr bolǵanyn, memlekettik tilde jazylmaǵan aqparattardy ornatý zań talaptaryn óreskel buzatynyn kórsetken.

Sotta anyqtalǵandaı, turǵyn úı-kommýnaldyq sharýashylyǵy, jolaýshylar kóligi jáne avtomobıl joldary bólimi memlekettik satyp alý týraly sharty negizinde jaýapty seriktestikke marshrýttyq avtobýs aıaldamalaryna 26 dana aqparattyq taqtany ornatýdy tapsyrǵan. Alaıda, aqparattyq taqtalardaǵy aqparattar memlekettik tilde jazylmaǵan», – delingen Qyzylorda oblysynyń mamandandyrylǵan aýdanaralyq ákimshilik sotynyń habarlamasynda.

Sot talap qoıýshynyń memlekettik tilde aqparattar alýǵa qatysty konstıtýııalyq quqyqtary buzylǵanyn eskerip, talap qoıýdy qanaǵattandyryp, jaýapkerge avtobýs aıaldamalaryndaǵy aqparattardy memlekettik tilde ornatýdy mindettedi.

Sonymen qatar, bólimniń tulǵalarynyń tarapynan jiberilgen buzýshylyqtar boıynsha jeke uıǵarym shyǵardy.

Sot sheshimi zańdy kúshine enip,  oryndaldy.