«قىزىم ىشكيىمسىز جاتتى, ۇستىندە جيەنىم»: بالقاشتاعى ازاپتاۋ ءىسى بويىنشا كۇدىكتىنىڭ جۇبايى وقيعانىڭ ءوز نۇسقاسىن ايتتى

بالقاشتا 8 جاستاعى بالانىڭ ازاپتالۋىنا قاتىستى اتىشۋلى ءىس بويىنشا جاڭا مالىمەتتەر شىقتى. كۇدىكتى رەتىندە قاماۋعا الىنعان ەر ادامنىڭ جۇبايى — ناسىپگۇل ايدىنوۆا — جابىرلەنۋشى بالانىڭ تۋعان تاتەسى بولىپ شىقتى. ول كۇيەۋىنىڭ ارەكەتىن زورلىق ەمەس, قورقىنىشتان تۋعان رەفلەكس دەپ ءتۇسىندىردى, دەپ حابارلايدى Qandastar.kz

ايدىنوۆانىڭ ايتۋىنشا, وقيعا كۇنى كۇيەۋى كىشكەنتاي ۇلىن ۇيىقتاتىپ, 8 جاستاعى جيەنى مەن 4 جاستاعى قىزىن پلانشەتپەن ويناۋعا قالدىرعان.

«كۇيەۋىم اشىق تۇرعان ەسىكتىڭ جانىنان ءوتىپ بارا جاتىپ, قىزىمىزدىڭ ىشكيىمسىز, ەكى اياعىن اشىپ جاتقانىن, ال ۇستىندە — جيەنىمىز, ونىڭ دا ىشكيىمى مەن شورتىسى ءتۇسىپ تۇرعانىن كورەدى. سول ساتتە شوشىپ, جيەنىن يتەرىپ جىبەرەدى دە, قىزىمىزدىڭ دەنەسىن تەكسەرىپ, جاراقات بار-جوعىنا قاراي باستايدى», — دەدى ول.

ونىڭ ايتۋىنشا, ەر ادام بالادان نە ىستەگەنىن سۇراعاندا, ول: «ءبىر-اق رەت تىقتىم», — دەپ جاۋاپ بەرگەن.

ايتا كەتەيىك, بۇل دەرەك بويىنشا تەرگەۋ جالعاسىپ جاتىر. وقيعا قوعامدا ۇلكەن رەزونانس تۋدىرىپ, بالانىڭ ازاپتالۋ فاكتىسى بويىنشا قىلمىستىق ءىس قوزعالعان.