«Qyzym ishkıimsiz jatty, ústinde jıenim»: Balqashtaǵy azaptaý isi boıynsha kúdiktiniń jubaıy oqıǵanyń óz nusqasyn aıtty

Balqashta 8 jastaǵy balanyń azaptalýyna qatysty atyshýly is boıynsha jańa málimetter shyqty. Kúdikti retinde qamaýǵa alynǵan er adamnyń jubaıy — Násipgúl Aıdynova — jábirlenýshi balanyń týǵan tátesi bolyp shyqty. Ol kúıeýiniń áreketin zorlyq emes, qorqynyshtan týǵan refleks dep túsindirdi, dep habarlaıdy Qandastar.kz

Aıdynovanyń aıtýynsha, oqıǵa kúni kúıeýi kishkentaı ulyn uıyqtatyp, 8 jastaǵy jıeni men 4 jastaǵy qyzyn planshetpen oınaýǵa qaldyrǵan.

«Kúıeýim ashyq turǵan esiktiń janynan ótip bara jatyp, qyzymyzdyń ishkıimsiz, eki aıaǵyn ashyp jatqanyn, al ústinde — jıenimiz, onyń da ishkıimi men shortysy túsip turǵanyn kóredi. Sol sátte shoshyp, jıenin ıterip jiberedi de, qyzymyzdyń denesin tekserip, jaraqat bar-joǵyna qaraı bastaıdy», — dedi ol.

Onyń aıtýynsha, er adam baladan ne istegenin suraǵanda, ol: «Bir-aq ret tyqtym», — dep jaýap bergen.

Aıta keteıik, bul derek boıynsha tergeý jalǵasyp jatyr. Oqıǵa qoǵamda úlken rezonans týdyryp, balanyń azaptalý faktisi boıynsha qylmystyq is qozǵalǵan.