«قىزىڭدى تۋعان اعاسىمەن دە قالدىرما»: پسيحولوگ ايەلدەرگە قاتاڭ ەسكەرتۋ جاسادى

فوتو: ۆيدەودان كادر

پسيحولوگ تۋعان اعاسىنان زورلىق كورەتىن قىزداردىڭ كوپ ەكەنىن ايتتى, دەپ حابارلايدى  qandastar.kz  sn.kz-كە سىلتەمە جاساپ.

پسيحولوگ, دارىگەر-كارديولوگ مەرۋەرت سەرىكقىزىنىڭ ايتۋىنشا, قىز بالانى ءتىپتى تۋعان اعاسىنىڭ جانىندا جالعىز قالدىرۋعا بولمايدى.

«قىزىڭدى ەشقاشان بوتەن ەر ادامىڭمەن بىرگە قالدىرما. كىشكەنتاي كەزىندە زورلىق-زومبىلىقتىڭ قۇربانى بولعان, كوزىن بايلاپ قويىپ نەمەسە بايلاماي-اق زورلىق كورگەن كوپ قىزدار كەلەدى. كەيدە 70-80% قىزدا سونداي ماسەلە بار سياقتى. مەنىڭ تۇسىنگەنىم, ەشقاشان قىز بالانى كىشكەنتاي كەزىنەن باستاپ, بوتەن ەر ادامنان بولەك, ءوزىنىڭ تۋعان اعاسى, ناعاشى اعاسى, اكەسىنىڭ ءىنىسى, تۋعان اتاسى دەگەن ادامدارعا دا بارىنشا جولاتپاۋ كەرەك. سونداي-اق, قىزداردى بولەك جاتقىزۋ كەرەك. ءتىپتى تۋعان اعالارىنان دا. سەبەبى, تۋعان اعالارى سول قىزدىڭ ەڭ ءالسىز جەرىن, نەمەن الداۋعا, قالاي قورقىتۋعا بولاتىنىن بىلەتىن ەڭ جاقىن ادامدارى. سول ءۇشىن تۋعان اعا-ىنىلەرىنەن دە بولەك جاتقىزۋعا تىرىسۋ كەرەك», — دەيدى ول.

جەلى قولدانۋشىلارى دا تۋعانىنان زورلىق كورەتىن قىزداردىڭ كوپ ەكەنىن جازۋدا.

«مەنىڭ دە قۇربىمدى تۋعان اعاسى زورلاعان. ۋنيۆەرسيتەتتە بىرگە وقىپ جۇرگەندە ايتىپ بەرگەن. قاتتى تاڭ قالعانمىن», «قازىر قىزدى عانا ەمەس, ۇلدى دا قالدىرماۋ كەرەك», «دۇرىس, ساقتىقتا قورلىق جوق», «مەندە دە بولعان, بىراق وسى ۋاقىتقا دەيىن ەشكىمگە ايتا الماي كەلە جاتىرمىن», «ءيا, مەن دە دارىگەرمىن. وكىنىشكە قاراي, كوپ پاتسيەنتتەن اعام زورلادى دەگەندى ەستىگەنمىن», — دەپ جازدى ولار.