«Qyzyńdy týǵan aǵasymen de qaldyrma»: Psıholog áıelderge qatań eskertý jasady

Foto: vıdeodan kadr

Psıholog týǵan aǵasynan zorlyq kóretin qyzdardyń kóp ekenin aıtty, dep habarlaıdy  qandastar.kz  sn.kz-ke silteme jasap.

Psıholog, dáriger-kardıolog Merýert Serikqyzynyń aıtýynsha, qyz balany tipti týǵan aǵasynyń janynda jalǵyz qaldyrýǵa bolmaıdy.

«Qyzyńdy eshqashan bóten er adamyńmen birge qaldyrma. Kishkentaı kezinde zorlyq-zombylyqtyń qurbany bolǵan, kózin baılap qoıyp nemese baılamaı-aq zorlyq kórgen kóp qyzdar keledi. Keıde 70-80% qyzda sondaı másele bar sııaqty. Meniń túsingenim, eshqashan qyz balany kishkentaı kezinen bastap, bóten er adamnan bólek, óziniń týǵan aǵasy, naǵashy aǵasy, ákesiniń inisi, týǵan atasy degen adamdarǵa da barynsha jolatpaý kerek. Sondaı-aq, qyzdardy bólek jatqyzý kerek. Tipti týǵan aǵalarynan da. Sebebi, týǵan aǵalary sol qyzdyń eń álsiz jerin, nemen aldaýǵa, qalaı qorqytýǵa bolatynyn biletin eń jaqyn adamdary. Sol úshin týǵan aǵa-inilerinen de bólek jatqyzýǵa tyrysý kerek», — deıdi ol.

Jeli qoldanýshylary da týǵanynan zorlyq kóretin qyzdardyń kóp ekenin jazýda.

«Meniń de qurbymdy týǵan aǵasy zorlaǵan. Ýnıversıtette birge oqyp júrgende aıtyp bergen. Qatty tań qalǵanmyn», «Qazir qyzdy ǵana emes, uldy da qaldyrmaý kerek», «Durys, saqtyqta qorlyq joq», «Mende de bolǵan, biraq osy ýaqytqa deıin eshkimge aıta almaı kele jatyrmyn», «Iá, men de dárigermin. О́kinishke qaraı, kóp paıentten aǵam zorlady degendi estigenmin», — dep jazdy olar.