«Laıyq emespin»: Qyran Talapbek «Qurmet» ordenine qatysty pikir bildirdi

Foto: ashyq derekkóz

Tanymal mobılograf Qyran Talapbek “Qurmet” ordenimen marapattalýyna qatysty oıyn bólisti. Bul týraly Stan.kz aqparat agenttigi habarlaıdy.

Aıta keteıik, bloger Memleket basshysy Qasym-Jomart Toqaevtyń jeke mobılografy bolatyn.

“Birden aıtamyn, bul ordenge laıyq emes ekenimdi moıyndaımyn. Bul meniń emes, óz eńbegimen adal jumys istep, adal nanyn taýyp jýrgen 30 myń jas mobılograf mamandardyń ordeni. Bul meniń emes, óz armanyna umtylǵysy keletin jastardyń ordeni. Quttyqtap qoldaǵan ár janǵa rahmet! «Laıyq emes» dep narazy bolǵandardy da túsinemin. Artyq alyp bara jatqan eshteńemiz joq. Sondyqtan «orden» óziniń ornyn tapty. Men úshin eń laıyq kisi. Ákeme berdim», – dedi Qyran Talapbek.

Eske salaıyq, mobılograf Astanada ótken ShYU sammıtine kelgen birqatar el basshylaryn vıdeoǵa túsirdi.

Basqa prezıdentter mobılograftyń beınejazbasyn qabyldamasa da, Mońǵolııa basshysy atalǵan kollaboraııany birge jarııalaýǵa kelisimin bergen.

«Túrik basshysy qabyldamaı jatyr. Otbasymyzben kútip otyrmyz”, – dep jazǵan edi Qyran Talapbek.