«Laýazymyn qaıtarmaq boldy»: Skrıpkashy Aıman Musaqojaeva alaıaqqa aqsha berip, aldanyp qalǵan

Foto: ashyq derekkóz

Almaty qalasynyń Almaly aýdandyq soty ózin UQK tóraǵasynyń týysy retinde tanystyryp, «aqshaǵa jumysqa turǵyzamyn jáne qyzmetke qaıta taǵaıyndaımyn» dep ýáde bergen 38 jastaǵy azamatqa qatysty úkim shyǵardy, dep habarlady qandastar.kz tengrinews.kz-ke silteme jasap.

Sot materıaldaryna sáıkes, 2024 jyldyń naýryzynda A.T. esimdi azamat A.M.-ǵa UQK-ǵa qyzmetke ornalastyryp beremin dep ýáde berip, odan 6 497 400 teńge alǵan.

Sondaı-aq, ol belgili skrıpkashy Aıman Musaqojaevany qyzmetke qaıta taǵaıyndaımyn dep, onyń jubaıy B.A.-dan deldal A.A. arqyly 45 mıllıon teńge alǵan.

Keıin ol Musaqojaevany qyzmetke qalpyna keltirý úshin qalǵan somany tóleý qajet degen jeleýmen A.A.-ǵa resmı túrde tıesili, baǵasy 33 mıllıon teńge turatyn LI L9MX markaly kólikti de ıemdengen.

Sot onyń áreketin birneshe ret jasalǵan, asa iri kólemdegi alaıaqtyq dep kvalıfıkaııalady. Aıyptalýshy kinásin tolyq moıyndap, jábirlenýshilerge keltirilgen shyǵynnyń ornyn toltyrdy. Jábirlenýshiler aryz-shaǵymdarynan bas tartyp, azamattyq talaptar qaraýsyz qaldyryldy.

Soǵan qaramastan, sot oǵan 5 jyl bas bostandyǵynan aıyrý jazasyn taǵaıyndady. Alaıda, Qazaqstan Konstıtýııasynyń 30 jyldyǵyna baılanysty jarııalanǵan raqymshylyqqa sáıkes, jaza merzimi 4 jylǵa qysqartyldy. Jaza shartty túrde taǵaıyndaldy jáne probaııalyq baqylaý belgilendi.

Sot ony qamaýdan bosatyp, bultartpaý sharasyn joıdy. Aıyptalýshyǵa turaqty turatyn mekenjaıyn aýystyrýǵa, probaııa qyzmetin habardar etpeı eldimekennen tys shyǵýǵa, sondaı-aq túngi kóńil kóterý oryndaryna barýǵa tyıym salyndy.

Eske sala keteıik, Aıman Musaqojaeva 1998 jyldan beri Qazaq ulttyq óner ýnıversıtetin basqaryp keldi. 2024 jyldyń basynda zeınetke shyǵýyna baılanysty laýazymynan bosatylǵan bolatyn.

Tolyq nusqasyna gıpersilteme berýdi umytpańyz: https://turkystan.kz/article/263846-lauazymyn-qaitarmaq-boldy-skripkasy-aiman-musaxodzaeva-alaiaqqa-aqsa-berip-aldanyp-qalgan